Rohit Sharma New Record: भारतीय संघाचा कर्णधार रोहित शर्मा याने बांग्लादेशविरूद्धच्या तीन एकदिवसीय सामन्यांच्या मालिकेतील पहिल्या सामन्यात एक नवा विक्रम स्वतःच्या नावावर नोंदवला. रोहितने केवळ 27 धावांची खेळी केली असली तरी या खेळीतच हा रेकॉर्ड त्याच्या नावावर साकारला आहे. (Rohit Sharma Most ODI Runs For India)

हिटमॅन रोहित शर्माने भारताचा माजी कर्णधार मोहम्मद अझरुद्दीन याला मागे टाकले आहे. भारतासाठी सर्वाधिक धावा करणाऱ्यांच्या यादीत रोहित आता सहाव्या क्रमांकावर पोहचला आहे. त्याच्या नावावर 9403 धावा आहेत. तर मोहम्मद अजहरुद्दीन यांनी त्यांच्या कारकीर्दीत 9378 धावा केल्या आहेत. या यादीत मास्टर ब्लास्टर सचिन तेंडुलकर पहिल्या क्रमांकावर आहे. सचिनने वनडेमध्ये 18426 धावा केल्या आहेत.

रोहितने बांग्लादेशविरूद्धच्या खेळीत 31 चेंडूत 4 चौकार आणि एका षटकारासह सत्तावीस धावा केल्या. पण शाकिब अल हसनच्या एका चेंडुवर तो बोल्ड झाला.

वनडे मध्ये सर्वाधिक धावा करणारे भारतीय फलंदाज

सचिन तेंडुलकर - 18426

विराट कोहली - 12344

सौरव गांगुली - 11221

राहुल द्रविड - 10768

महेंद्रसिंग धोनी - 10599

रोहित शर्मा - 9403

मोहम्मद अझरुद्दीन - 9378