India vs New Zealand 3rd ODI: भारतीय क्रिकेट संघाने न्यूझीलंडचा 3-0 असा पराभव करुन तीन सामन्यांच्या वनडे मालिकेत क्लीन स्वीप केला. या मालिकेतील शेवटच्या सामन्यात भारतीय संघाने 90 धावांनी विजय मिळवला. या विजयासह टीम इंडिया वनडे क्रमवारीतही नंबर वन बनली आहे. संघाच्या विजयानंतर कर्णधार रोहित शर्माने मोठे वक्तव्य केले आहे.

रोहितने सांगितले की कोणता खेळाडू जादूगार आहे

टीम इंडियाच्या विजयानंतर कर्णधार रोहित शर्माने (Rohit Sharma) अनेक खेळाडूंचे कौतुक केले. त्याचवेळी रोहितने संघातील एका खेळाडूला जादूगार म्हटले. सामन्यानंतर रोहित म्हणाला की, “मला वाटते की, आम्ही खेळलेल्या शेवटच्या 6 सामन्यांपैकी बहुतांश सामन्यांमध्ये आम्ही चांगली कामगिरी केली आहे. 50 षटकांच्या सामन्यांमध्ये हेच महत्त्वाचे आहे.''

रोहितने कुलदीपचे कौतुक केले

कुलदीप यादवबद्दल कर्णधार रोहित म्हणाला की, “जेव्हा-जेव्हा मी कुलदीपकडे चेंडू दिला, तेव्हा-तेव्हा त्याने विकेट्स मिळवून दिल्या. तर गिलचा दृष्टिकोन प्रत्येक सामन्यात सारखाच असतो. त्याला प्रत्येक सामन्याची नव्याने सुरुवात करायला आवडते. तर आजचे शतक माझ्यासाठी खूप महत्त्वाचे आहे.''

टीम इंडिया रँकिंगमध्ये नंबर वन बनली

या मालिका विजयासह टीम इंडिया (Team India) वनडे रँकिंगमध्ये नंबर वन बनली आहे. मात्र, यामुळे रोहितवर फारसा फरक पडला नाही. तो म्हणाला की, “प्रामाणिकपणे सांगायचे तर आम्ही क्रमवारीबद्दल फारसे बोलत नाही. आम्ही प्रामुख्याने मैदानावर योग्य गोष्टी करण्याबद्दल चर्चा करतो. दुसरीकडे, ऑस्ट्रेलिया हा दर्जेदार संघ आहे आणि आमच्यासाठी गोष्टी सोप्या नसतील पण मला खात्री आहे की, आम्ही त्यासाठी सज्ज होऊ.''