लंडन: विम्बल्डन स्पर्धेत (Wimbledon) टेनिसचा (Tennis) मास्टर रॉजर फेडररने (Roger Federer) विक्रमाला (Record) गवसणी घालत 18 व्यांदा उपांत्यपूर्व फेरीत प्रवेश केला आहे. विम्बल्डन स्पर्धेत सहभागी होण्यासाठी फेडररने फ्रेन्चओपनमधून माघार घेतली होती. आठरावेळा विम्बल्डन विजेता राहिलेला रॉजर फेडररने 2021 च्या पुरुष एकेरीत इटलीच्या लोरेन्झो सोनेगोचा (Lorenzo Sonego of Italy) 7-5,6-4,6-2 असा सरळ सेटमध्ये पराभव करत 58 व्यांदा ग्रँडस्लॅमच्या उपांत्यपूर्व फेरीत स्थान मिळविले आहे.

2 तास 11 मिनिटे रंगलेल्या या सामन्यात सहाव्या मानांकित फेडररने लोरेन्झो सोनेगोचा सहज पराभव करीत 18 व्यांदा उपांत्यफेरीत प्रवेश करत इतिहास घडविला आहे. या आधी जीमी कॉनर्स यांनी 14 वेळा उपांत्यपूर्व फेरी गाठली होती. तसेच विम्बल्डनमध्ये फेडरर उपांत्यपूर्व फेरीत प्रवेश करणारा सर्वात वयस्कर खेळाडू ठरला आहे. फेडररचे वय 39 वर्षे 337 दिवस इतके होते. यापूर्वी केन रोसवॉलच्या नावावर हा विक्रम होता त्यावेळी त्यांचे वय ३९ वर्षे २२४ दिवस इतके होते.

आज होणाऱ्या डॅनिल मेदवेदेव विरुध्द हबर्ट यांच्यातील विजेता उपांत्यपूर्व फेरीत फेडररसोबत खेळेल. काल पावसामुळे यांचा सामना रद्द करण्यात आला होता. मेदवेदेव आणि हबर्ट दोघांनीही या आधी विम्बल्डनमध्ये उपांत्यपूर्व फेरीत प्रवेश केलेला नाही.

सोनेगेला फेडररने कोर्टवर धावण्यास भाग पाडले. पहिल्या सेटमध्ये सोनेगोने फेडररला झुंजावले. पहिला गेम 5-5 असा बरोरबरीत झाला, त्यानंतर खेळात पावसाचा व्यत्यय आला. सामना पुन्हा सुरु झाल्यावर मात्र फेडररने लय पकडत सामन्यावर आपली पकड मजबूत केली. पहिला सेट 7-5 ने जिंकल्यावर पुढील दोन्ही सेट फेडररने 6-4, 6-2 असे सहज जिंकत सामन्यात विजय मिळविला.