पणजी: माजी विजेत्या चर्चिल ब्रदर्सला आज ( सोमवारी ) आय-लीग फुटबॉल स्पर्धेत चार लढतीत तिसरा पराभव पत्करावा लागला, त्यामुळे त्यांची स्थिती बिकट बनली. रियल काश्मीरने अपराजित मालिका कायम राखताना 1-0 फरकाने विजय नोंदवून गुणतक्त्यात अग्रस्थान मिळविले.

(Real Kashmir defeated Churchill Brothers in the I League football tournament)

श्रीनगर येथील टीआरसी मैदानावर झालेल्या लढतीत घाना देशाच्या इब्राहिम नुरुदीन याने 76 व्या मिनिटास केलेला गोल निर्णायक ठरला. बदली खेळाडूचे भेदक हेडिंग रियल काश्मीरला स्पर्धेतील तिसरा विजय मिळवून देण्यास पुरेसे ठरले. अन्य एका बरोबरीसह त्यांचे चार लढतीतून 10 गुण झाले असून अव्वल स्थान मिळाले आहे.

चर्चिल ब्रदर्सला तिसऱ्या पराभवामुळे अकराव्या स्थानी घसरावे लागले. चार लढतीतून त्यांच्या खाती फक्त एक गुण आहे. गोव्यातील संघाचा पुढील सामना घरच्या मैदानावर 2 डिसेंबर रोजी ऐजॉल एफसीविरुद्ध होईल.