मुंबईतील वानखेडे स्टेडियमवर खेळल्या गेलेल्या सामन्यात रॉयल चॅलेंजर्स बंगलोरने 8 गडी राखून विजय मिळवला. बंगळुरूने गुजरातचा पराभव केला. या सामन्यात आरसीबीचा कर्णधार फाफ डू प्लेसिसने (Faf du Plessis) 44 धावा केल्या. डु प्लेसिसने एक विशेष कामगिरी आपल्या नावावर केली आहे. या मोसमात कर्णधार म्हणून सर्वाधिक धावा करण्याच्या बाबतीत तो दुसऱ्या क्रमांकावर पोहोचला आहे. डू प्लेसिसचा संघ आरसीबीने आयपीएल 2022 मध्ये आतापर्यंत चांगली कामगिरी केली आहे.

IPL 2022 मध्ये कर्णधार म्हणून सर्वाधिक धावा करण्याच्या बाबतीत KL राहुल पहिल्या क्रमांकावर आहे. लखनऊ सुपर जायंट्सचा कर्णधार राहुलने आतापर्यंत 537 धावा केल्या आहेत. तर डू प्लेसिस 443 धावांसह दुसऱ्या स्थानावर आहे. आयपीएल 2022 मध्ये त्याने 3 अर्धशतके झळकावली आहेत. त्याची सर्वोत्तम धावसंख्या 96 धावा आहे. IPL 2022 मध्ये कर्णधार म्हणून सर्वाधिक धावा करण्याच्या बाबतीत हार्दिक पांड्या तिसऱ्या स्थानावर आहे. गुजरात टायटन्सचा कर्णधार पांड्याने 413 धावा केल्या आहेत.

विशेष म्हणजे गुजरातविरुद्धचा सामना जिंकून बंगळुरूचा संघ गुणतालिकेत चौथ्या स्थानावर पोहोचला आहे. आरसीबीने या मोसमात 14 सामने खेळले आणि 8 जिंकले. तर 6 सामन्यांत त्यांना पराभवाचा सामना करावा लागला. या विजयानंतर संघाच्या प्लेऑफमध्ये पोहोचण्याच्या आशा अबाधित राहिल्या आहेत. त्याचा नेट रनरेट चांगला नसला तरी. RCB चा नेट रन रेट -0.253 आहे.