गुजरात विधानसभा निवडणूकीचा गुरुवारी निकाल लागला. या निकालात भारतीय जनता पक्षाने बाजी मारली. भारतीय क्रिकेटपटू रवींद्र जडेजाची पत्नी रिवाबा जडेजा देखील निवडणूकीच्या रिंगणात होत्या. दरम्यान, त्यांचा या निवणूकीत विजय झाला आहेत. त्यामुळे आता रवींद्र जडेजाने पत्नीचे कौतुक केले आहे.

रिबावा यांनी जामनगरमध्ये निवडणूक लढवली होती. दरम्यान त्यांना 88 हजारांहून अधिक मतं मिळाली. त्यांच्या विरुद्ध उभे असणाऱ्या आम आदमी पक्षाचे करशनभाई यांना ३४ हजारांहून अधिक मतं मिळाली, तर काँग्रेसचे बिपेंद्रसिंग जडेजा यांना २३ हजारांच्या जवळपास मतं मिळाली.

(Ravindra Jadeja special post for wife)

त्यामुळे रिवाबा या मोठ्या ५० हजारांपेक्षाही अधिक मतांच्या फरकाने निवडणून आल्या. याबद्दल त्यांचे अभिनंदन करताना रवींद्र जडेजाने सोशल मीडियावर पोस्ट केली आहे.

त्याने त्याच्या पोस्टमध्ये गुजराती भाषेत संदेश लिहिला आहे. त्याने लिहिले आहे की 'हॅलो आमदार, तू याला खरंच पात्र होतीस. जामनगरचे नागरीक जिंकले आहेत. मी त्या सर्व नागरिकांबद्दल मनापासून कृतज्ञता व्यक्त करतो. जामनगरमधील काम नक्कीच चांगले असेल.'

रवींद्र जडेजा त्याच्या पत्नीच्या निवडणूकीच्या प्रचारातही सहभागी झाला होता. त्याने अनेकदा याबद्दल पोस्टही केल्या होत्या.

दरम्यान, जडेजा सध्या गुडघ्याच्या दुखापतीमुळे भारतीय संघातून बाहेर आहे. पण, त्याची भारताच्या आगामी बांगलादेश विरुद्धच्या कसोटी मालिकेसाठी संघात निवड झालेली आहे. त्यामुळे आता तो ही मालिका खेळणार की नाही, हे पाहावे लागेल.