R Ashwin Dainik Gomantak
क्रीडा

R Ashwin World Record: रविचंद्रन अश्विनचा वर्ल्ड रेकॉर्ड, आधी बापाला आऊट केले आता...

R Ashwin World Record: भारत आणि वेस्ट इंडिज यांच्यातील मालिकेतील पहिला कसोटी सामना (IND vs WI 1st Test) डॉमिनिका येथील विंडसर पार्क येथे सुरु आहे.

Manish Jadhav

R Ashwin World Record: भारत आणि वेस्ट इंडिज यांच्यातील मालिकेतील पहिला कसोटी सामना (IND vs WI 1st Test) डॉमिनिका येथील विंडसर पार्क येथे सुरु आहे. या सामन्यात टीम इंडियाचा अनुभवी अष्टपैलू रविचंद्रन अश्विन याने एक खास रेकॉर्ड नावावर केला.

भारताची पहिली गोलंदाजी

दरम्यान, दोन सामन्यांच्या मालिकेतील या पहिल्या कसोटीत वेस्ट इंडिजचा (West Indies) कर्णधार क्रेग ब्रॅथवेटने नाणेफेक जिंकून प्रथम फलंदाजी करण्याचा निर्णय घेतला. भारतासाठी, हा सामना जागतिक कसोटी चॅम्पियनशिपच्या नवीन सायकलची सुरुवात आहे.

दरम्यान, ऑफस्पिनर रविचंद्रन अश्विनने भारताला मोठे यश मिळवून दिले. या सामन्यात त्याने वेस्ट इंडिजला पहिला धक्का दिला.

इतिहास घडवला

36 वर्षीय अश्विनने वेस्ट इंडिजचा सलामीवीर तेगनारायण चंद्रपॉलला आपला बळी बनवले. चंद्रपॉलने 44 चेंडूत केवळ 12 धावा केल्या. यादरम्यान त्याच्या बॅटमधून एकही चौकार आला नाही आणि संघाच्या 31 धावांवर तो बाद झाला. यासह अश्विनने इतिहास रचला. कसोटीत पिता-पुत्र जोडीला बळी ठरवणारा अश्विन हा एकमेव भारतीय गोलंदाज ठरला आहे.

2011 मध्ये शिवनारायण चंद्रपॉलला एलबीडब्ल्यू आऊट केले

दुसरीकडे, 2011 मध्ये दिल्लीत (Delhi) वेस्ट इंडिजविरुद्धच्या मालिकेतील पहिल्या कसोटी सामन्यात अश्विनने शिवनारायण चंद्रपॉलला एलबीडब्ल्यू आऊट केले होते. आता अश्विनने शिवनारायण यांचा मुलगा तेगनारायण याला आऊट केले.

याआधी कधीच भारतीय गोलंदाजाने कसोटी फॉर्मेटमध्ये पिता-पुत्राला बळी बनवलेले नाही. त्यानंतर अश्विनने कर्णधार क्रेग ब्रॅथवेटला (20) रोहितकडे झेलबाद केले. अशाप्रकारे वेस्ट इंडिजच्या 2 विकेट 38 धावांवर पडल्या.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

IND vs NZ 1st Test: अवघ्या दोन धावांनी हुकलं शतक, शुभमन गिलच्या नावावर नकोसा रेकॉर्ड! धोनी-विराटच्या यादीत समावेश

Couple Assault Viral Video: फोटो काढणाऱ्या जोडप्याला अश्लील शेरेबाजी, बेदम मारहाण, 8 अल्पवयीन मुले ताब्यात; मुंबईतील खळबळजनक व्हिडिओ व्हायरल

Agniveer Recruitment Data Leak: मोठी खळबळ! अग्निवीरांचा डेटा डार्क वेबवर विकायचा डाव? 14 वर्षांच्या मुलाला दिल्ली पोलिसांनी घेतलं ताब्यात

Railways New Rules: प्रवाशांनो सावधान! ट्रेनमध्ये मोठ्या आवाजात बोलणे पडू शकते महागात; न ऐकल्यास भोगावा लागू शकतो तुरुंगवास अन् दंड

Check Dam Construction: 3 तालुक्यांत 116 बंधाऱ्यांत पाणी अडवले; परिसरातील भूजल पातळीत वाढ झाल्याचा दावा

SCROLL FOR NEXT