इंडियन प्रीमियर लीग (IPL) 2022 मधील पहिला डबल हेडर आज म्हणजेच 27 मार्च रोजी आहे. दुसरा सामना पंजाब किंग्ज आणि रॉयल चॅलेंजर्स बंगळुरू यांच्यात संध्याकाळी साडेसातपासून मुंबईच्या डॉ.डी.वाय.पाटील स्टेडियमवर खेळवला जात आहे. पंजाब किंग्जचा कर्णधार मयंक अग्रवालने नाणेफेक जिंकून गोलंदाजीचा निर्णय घेतला आहे.

दोन्ही संघांची कमान नव्या खेळाडूंच्या हाती आहे. प्रीती झिंटाच्या सह-मालक असलेल्या पंजाब (Punjab) किंग्जची धुरा मयंक अग्रवालच्या हातात आहे. त्याचबरोबर विराट कोहलीने कर्णधारपद सोडल्यानंतर रॉयल चॅलेंजर्स बंगळुरूने संघाची कमान दक्षिण आफ्रिकेचा महान खेळाडू फाफ डू प्लेसिसकडे सोपवली आहे.

पंजाब किंग्ज आणि रॉयल चॅलेंजर्स बंगळुरू (Bangalore) यांच्यात आतापर्यंत 28 सामने झाले आहेत. यातील 13 सामने जिंकण्यात आरसीबीला यश आले आहे. पंजाब किंग्जने 15 सामन्यांमध्ये आपली धुरा वाहिली आहे. मात्र, आतापर्यंत या दोघांमध्ये भारतात 22 सामने खेळले गेले आहेत. या दोन्ही संघांना 11-11 सामने जिंकण्यात यश आले आहे. डीवाय पाटील स्टेडियमवर दोघे पहिल्यांदाच आमनेसामने येणार आहेत.