Goa Chess Competition : अखिल गोवा राज्यस्तरीय 18 वर्षांखालील बुद्धिबळ स्पर्धेत खुल्या गटात पार्थ साळवी याने, तर मुलींत अस्मिता रे हिने विजेतेपद मिळविले.

डिचोली-सत्तरी तालुका बुद्धिबळ संघटनेने गोवा (Goa Chess Association) बुद्धिबळ अस्थायी समितीच्या मान्यतेने घेतलेली स्पर्धा डिचोली येथील नारायण झांट्ये महाविद्यालय संकुलात झाली. (Parth Asmita wins in All Goa State Chess Tournament)

खुल्या गटात पार्थ व मंदार लाड यांचे प्रत्येकी सहा डाव खेळल्यानंतर समान साडेपाच गुण झाले. टायब्रेकर गुणांत पार्थ विजेता, तर मंदार उपविजेता ठरला. रुबेन कुलासो, अथर्व काटकर, प्रतीक बोरकर, तेजस शेट वेरेकर यांना अनुक्रमे तिसरा ते सहावा क्रमांक मिळाला.

मुलींत अव्वल ठरलेल्या अस्मिता हिने सर्व पाचही डाव जिंकले. तन्वी हडकोणकर चार गुणांसह उपविजेती ठरली. नेत्रा सावईकर, वालंका फर्नांडिस, अलाना आंद्राद, सयुरी नाईक यांनी अनुक्रमे तिसरा ते सहावा क्रमांक मिळविला. दोन्ही गटातील पहिले दोन स्पर्धक राष्ट्रीय 18 वर्षांखालील बुद्धिबळ स्पर्धेत गोव्याचे (Goa) प्रतिनिधित्व करण्यास पात्र ठरले आहेत. स्पर्धा तमिळनाडूतील कोईंबतूर येथे 18 ते 23 एप्रिल या कालावधीत होईल.

याशिवाय वयोगटात रिशित गावस, आर्यन नाईक, शुभ बोरकर, सरस पोवार, कनिष्क सावंत, ह्रदय मोरजकर, महादेव सावंत, पार्थ कामत, प्रतीक भोवार, चैतन्य गावकर, प्रतीक मालवणकर, अभिषेक मयेकर, शुबान मालकर यांना खुल्या गटात, तर मुलींत स्कायला रॉड्रिग्ज, म्युरियल फर्नांडिस, वैष्णवी परब, सय्यद मैझा, सय्यद माहदिया, वीरजा देसाई यांनाही बक्षीस देण्यात आले.

डिचोलीचे उपजिल्हाधिकारी दीपक वायगणकर यांच्या हस्ते बक्षीस वितरण झाले. यावेळी गोवा बुद्धिबळ अस्थायी समितीचे निमंत्रक सचिन आरोलकर, राजन कडकडे, सत्यवान हरमलकर, सुभाषचंद्र गावस, गिरीश गाडगीळ, नीलेश धारगळकर व अन्य पदाधिकारी उपस्थित होते.