पणजी: टोकियो ऑलिंपिक जागृती कार्यक्रमात (Tokyo Olympics Awareness Programme) पणजी (Panaji) येथील कदंब बसस्थानक संकुलात गुरुवारी गोवा तलवारबाजीतील (Goa Fencing) खेळाडूंना गौरविण्यात आले. अर्जुन पुरस्कारप्राप्त भारताचे माजी फुटबॉल कर्णधार ब्रुनो कुतिन्हो (Bruno Coutinho) यांच्या हस्ते दीपकसिंह राजपूत, अरुणकुमार सैने, रोहन भंडारी, अभिषेक नाईक, निकिता नागराज गौडा यांचा सत्कार करण्यात आला. यावेळी गोवा तलवारबाजी संघटनेचे अध्यक्ष योगेश ठाकूर, सचिव अनघा वरळीकर यांची उपस्थिती होती.

ऑलिंपिक जागृती कार्यक्रम पणजी २३ जुलैपासून सुरू असून टोकियो ऑलिंपिक स्पर्धा संपेपर्यंत हा उपक्रम चालेल. या कालावधीत विविध खेळातील खेळाडू, प्रशिक्षक, आयोजक यांचा गौरव केला जाईल. जागृती कार्यकमांतर्गत बुधवारी तीन किलोमीटर दौड घेण्यात आली होती. येत्या चार ऑगस्ट रोजी दहा किलोमीटक सायकलिंगचे आयोजन होणार आहे.