Woman Cricketer Dead Body Found: क्रिकेटप्रेमींसाठी हे वर्ष खूप महत्त्वाचे असणार आहे. यावर्षी प्रथमच 19 वर्षांखालील महिला टी-20 विश्वचषक स्पर्धा होणार आहे. ही स्पर्धा शनिवारपासून (14 जानेवारी) सुरु होणार आहे. मात्र, याआधी एक धक्कादायक बातमी समोर आली आहे. ओडिशाची (Odisha) महिला क्रिकेटर राजश्री स्वैनी हिचा मृतदेह जंगलात सापडला आहे.
मिळालेल्या माहितीनुसार, मृत राजश्री 11 जानेवारीपासून बेपत्ता होती. तिचा मृतदेह शुक्रवारी (13 जानेवारी) कटकजवळील घनदाट जंगलात झाडाला लटकलेला आढळून आला. याबाबत पोलिसांनी (Police) माहिती दिली. कटकचे डीसीपी पिनाक मिश्रा यांनी सांगितले की, राजश्रीचा मृतदेह अथागढ भागातील गुरडिजाटिया जंगलात एका झाडाला लटकलेल्या अवस्थेत आढळला.
डीसीपी पिनाक मिश्रा पुढे म्हणाले की, "गुरडिजाटिया पोलिस ठाण्यात अनैसर्गिक मृत्यूची नोंद करण्यात आली आहे." त्यांनी पुढे सांगितले की, राजश्रीच्या प्रशिक्षकाने गुरुवारी (12 जानेवारी) कटकमधील मंगलाबाग पोलिस ठाण्यात हरवल्याची तक्रार दाखल केली होती. तिच्या मृत्यूचे कारण अद्याप पोलिसांना समजू शकलेले नाही. दुसरीकडे, राजश्रीच्या कुटुंबीयांनी हत्येचा आरोप केला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.