IPL 2025: सध्या देशात जर का सर्वाधिक चर्चा कोणाची सुरु असेल तर ती म्हणजे सुरु असलेल्या आयपीएलची. रविवारी (६ एप्रिल) सनरायझर्स हैद्राबाद आणि गुजरात टायटन्स यांच्यामध्ये जबरदस्त सामना रंगला. या सामन्यात गुजरातने हैद्राबादला त्यांच्या घरच्या मैदानात पाणी पाजलं. कर्णधार शुबमन गिल नेतृत्वाखाली १५३ धावांचं आव्हान सहज पूर्ण केलं. या सामन्यानंतर नवजोत सिंह सिद्धू पुन्हा चर्चेत आलाय तो त्याच्या भविष्यवाणीमुळे . काय आहे ती भविष्यवाणी जाणून घेऊया.

नवजोत सिंह सिद्धूची भविष्यवाणी काय?

या सामन्यात सिराजने हैद्राबादच्या अभिषेक शर्मा आणि ट्रेव्हिस हेड यांचा खेळ वेळेत आटोक्यात आणत गुजरातसाठी रास्ता मोकळा केला. यानंतर सिराजने अनिकेत वर्मा आणि सिमरजीत सिंह यांना देखील बाद केलं. या सामन्यात सिराजने ४. २० च्या इकॉनॉमी रेटने या ४ विकेट्स घेतल्या आणि मॅन ऑफ द मॅच बनला. नवजोत सिंह सिद्धूने सिराजला मॅन ऑफ द मॅच मिळणार अशी भविष्यवाणी केली होती जी खरी ठरलीये.

धोनी म्हणजे फुसका फटका

शनिवारी (५ एप्रिल) रोजी झालेल्या सामन्यात चेन्नईला पुन्हा एकदा मात पचवावी लागली होती. या सामन्यानंतर चेन्नई यंदाच्या वर्षी चषक जिंकेल अशी अशा त्यांच्या चाहत्यांना देखील वाटत नसल्याच्या चर्चा सोशल मीडियावर व्हायरल होत आहेत. दिल्लीच्या विरुद्ध खेळलेल्या या सामन्यात चेन्नईने २५ धावांनी पराभव स्वीकारला आणि यानंतर धोनीला सर्वांच्या टीकेला सामोरं जावं लागलं.

चेन्नईच्या घरच्या मैदानात सुरु असलेल्या या सामन्यात धोनीचा जयजयकार सुरु होता. मात्र यावेळी धोनी फ्री-हिटवर षटकार मारण्यात अपयशी ठरल्याने चाहते नाराज झाले. यावेळीच नवजोत सिंग सिद्धू यांनी धोनीला फुसका फटाका म्हटलं. धोनी खेळतोय म्हणजे नक्कीच षटकार जाईल अशी चाहत्यांना अशा होती मात्र त्यांच्या हाती निराशाच आली, एवढंच नाही तर नवजोत सिंग सिद्धूने धोनीला असं का म्हटलं असा प्रश्न देखील चाहत्यांना पडलाय.