Martin Guptill: न्यूझीलंडचा विस्फोटक सलामीवीर मार्टिन गुप्टिल आणि टीम इंडियाचा कर्णधार रोहित शर्मा आणि माजी कर्णधार विराट कोहली यांच्यात टी-20 आंतरराष्ट्रीय क्रिकेटमध्ये एक प्रकारचे युध्द सुरु झाले आहे. मार्टिनने T20 आंतरराष्ट्रीय क्रिकेटमध्ये अशीच एक विस्मयकारी कामगिरी आपल्या नावावर केली आहे. अशा परिस्थितीत पुन्हा एकदा रोहित शर्माचा विश्वविक्रम मार्टिन गुप्टिलने मोडीत काढला आहे.

दरम्यान, भारताचा सलामीवीर रोहित शर्मा (Rohit Sharma) T20 आंतरराष्ट्रीय क्रिकेटमध्ये सर्वाधिक धावा करणारा फलंदाज ठरला होता, परंतु आता किवी सलामीवीर मार्टिन गप्टिलने ही कामगिरी आपल्या नावावर केली आहे. वेस्ट इंडिजविरुद्धच्या (West Indies) तीन सामन्यांच्या T20 मालिकेतील शेवटच्या सामन्यात गुप्टिलने ही कामगिरी आपल्या नावावर केली आहे. विशेष म्हणजे, याच T20 क्रिकेटमध्ये सर्वाधिक धावा करणारा खेळाडू बनला आहे.

दुसरीकडे, रोहित शर्मा हा विश्वविक्रम पुन्हा एकदा आपल्या नावावर करेल, अशी अपेक्षा व्यक्त करण्यात येत आहे. रोहित आशिया चषक 2022 मध्ये 28 ऑगस्ट रोजी पाकिस्तानविरुद्ध T20 आंतरराष्ट्रीय सामना खेळणार आहे. तो 11 धावा करुन गुप्टिलला मागे सोडू शकतो. जर रोहितने 13 धावा केल्या तर तो 3500 T20 धावा करणारा पहिला फलंदाज ठरेल.

तसेच, मार्टिन गुप्टिल सध्या 3497 धावांसह T20 क्रिकेटमध्ये अव्वल आहे, तर रोहित 3487 धावांसह दुसऱ्या क्रमांकावर आहे. तिसऱ्या क्रमांकावर विराट कोहली (Virat Kohli) आहे, ज्याने 3308 धावा केल्या आहेत. यावर्षी विराटने अनेक टी-20 आंतरराष्ट्रीय सामने गमावले आहेत.