पणजी: गोवा क्रिकेट असोसिएशनच्या (जीसीए) दक्षिण विभागीय अ गट क्रिकेट स्पर्धेत मडकई युवक संघाने विजयी आगेकूच कायम राखताना आर्लेम संघाला 12 धावांनी नमविले. सामना बुधवारी कांपाल येथील भाऊसाहेब बांदोडकर मैदानावर झाला. (marcaim cricket team defeated arlem team)

आठव्या क्रमांकावरील अखिल फडते याने 51 चेंडूंत सात चौकार व दोन षटकारांच्या मदतीने केलेल्या 62 धावांच्या बळावर मडकई युवक संघाने प्रथम फलंदाजी करताना 208 धावा केल्या. नंतर सिद्धेश नाईकने पाच गडी बाद करून संघाला विजय मिळवून देण्यात मोलाचा वाटा उचलला. आर्लेमच्या अमेय धामसेकर (63, 47 चेंडू, 10 चौकार, 1 षटकार) व अंगदराज (50, 32 चेंडू, 7 चौकार, 1 षटकार) यांची अर्धशतके व्यर्थ ठरली. (Goa Sports)

संक्षिप्त धावफलक

मडकई युवक संघ: 41 षटकांत सर्वबाद 208 (उन्मेष खेडेकर 45, फेलिक्स डायस 18, हरी सावंत 39, सिद्धेश नाईक 13, अखिल फडते 62, लक्ष्मण गावडा 11, विक्रांत प्रभू 1-55, बादल सिंग 2-35, अंगदराज 3-50, रोहित नाईक 1-32, योगेश नाईक 3-23) वि. वि. आर्लेम क्लब ः 31.3 षटकांत सर्वबाद 196 (अमेय धामसेकर 63, गोविंद लोटलीकर 29, अंगदराज 50, बादल सिंग 16, हरी सावंत 2-50, सिद्धेश नाईक 5-46, अखिल फडते 1-1).