Manish Pandey  Dainik Gomantak
क्रीडा

Syed Mushtaq Ali Trophy: मनीष पांडेचे धमाकेदार पुनरागमन! 'सैयद मुश्ताक अली' टी-20 स्पर्धेसाठी कर्नाटक संघात निवड; 14 नोव्हेंबरपासून रंगणार रणसंग्राम

Manish Pandey Syed Mushtaq Ali Trophy Selection : भारतीय देशांतर्गत क्रिकेटमध्ये सध्या महत्त्वाच्या घडामोडी घडत असून, कर्नाटकचा अनुभवी फलंदाज आणि माजी कर्णधार मनीष पांडेचे पुनरागमन चर्चेत आले.

Manish Jadhav

Manish Pandey Selection Syed Mushtaq Ali Trophy: भारतीय देशांतर्गत क्रिकेटमध्ये सध्या महत्त्वाच्या घडामोडी घडत असून, कर्नाटकचा अनुभवी फलंदाज आणि माजी कर्णधार मनीष पांडेचे पुनरागमन चर्चेत आले. मागील हंगामापासून कर्नाटकच्या संघातून बाहेर असलेला मनीष पांडे आगामी 'सैयद मुश्ताक अली टी-20' स्पर्धेसाठी निवडण्यात आलेल्या 34 संभाव्य खेळाडूंच्या यादीत स्थान मिळवण्यात यशस्वी ठरला. ही प्रतिष्ठित टी-20 स्पर्धा येत्या 14 नोव्हेंबरपासून सुरु होत आहे.

मनीष पांडेने (Manish Pandey) आपला शेवटचा स्पर्धात्मक सामना या वर्षी मे महिन्यात खेळला होता, जेव्हा तो कोलकाता नाइट रायडर्सकडून दिल्ली कॅपिटल्सविरुद्धच्या घरगुती सामन्यात मैदानात उतरला होता. मात्र, विजय हजारे ट्रॉफीच्या संभाव्य खेळाडूंच्या यादीत त्याला स्थान मिळालेले नाही.

दुसरीकडे, स्टार कसोटीपटू हनुमा विहारी याने चालू रणजी ट्रॉफी हंगामातून माघार घेतली. मागील हंगामात आंध्र प्रदेश सोडून त्रिपुरा संघाकडून खेळणारा 33 वर्षीय विहारी सध्याच्या रणजी मोहिमेत त्रिपुराकडून उपलब्ध होणार नाही. त्याने हैदराबादविरुद्धचा हंगामातील पहिला सामना खेळला होता, परंतु त्यानंतरच्या सलग दोन सामन्यांना तो मुकला होता. 'कर्नाटकविरुद्ध म्हैसूर येथे झालेल्या सामन्यानंतर वैयक्तिक कारणांमुळे विहारी यापुढे उपलब्ध राहणार नसल्याचे आम्हाला कळवण्यात आले,' अशी माहिती त्रिपुराचे प्रशिक्षक सत्रजित लाहिरी यांनी गुरुवारी दिली.

या अनपेक्षित माघारीनंतर त्रिपुरा क्रिकेट असोसिएशनने संघात बदली खेळाडूचा समावेश करण्यासाठी बीसीसीआयकडे अधिकृत परवानगी मागितली. विहारीच्या अनुपलब्धतेमुळे त्रिपुरा संघाच्या मधल्या फळीला मोठा धक्का बसला असून, आगामी सामन्यांमध्ये संघाची रणनीती कशी असणार याकडे सर्वांचे लक्ष लागले. देशांतर्गत क्रिकेटच्या या नव्या हंगामात अनुभवी खेळाडूंच्या अशा घडामोडींमुळे क्रिकेट वर्तुळात बरीच चर्चा रंगली आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

IND vs NZ 1st Test: अवघ्या दोन धावांनी हुकलं शतक, शुभमन गिलच्या नावावर नकोसा रेकॉर्ड! धोनी-विराटच्या यादीत समावेश

Couple Assault Viral Video: फोटो काढणाऱ्या जोडप्याला अश्लील शेरेबाजी, बेदम मारहाण, 8 अल्पवयीन मुले ताब्यात; मुंबईतील खळबळजनक व्हिडिओ व्हायरल

Agniveer Recruitment Data Leak: मोठी खळबळ! अग्निवीरांचा डेटा डार्क वेबवर विकायचा डाव? 14 वर्षांच्या मुलाला दिल्ली पोलिसांनी घेतलं ताब्यात

Railways New Rules: प्रवाशांनो सावधान! ट्रेनमध्ये मोठ्या आवाजात बोलणे पडू शकते महागात; न ऐकल्यास भोगावा लागू शकतो तुरुंगवास अन् दंड

Check Dam Construction: 3 तालुक्यांत 116 बंधाऱ्यांत पाणी अडवले; परिसरातील भूजल पातळीत वाढ झाल्याचा दावा

SCROLL FOR NEXT