R Praggnanandhaa vs Magnus Carlsen Dainik Gomantak
क्रीडा

FIDE Chess World Cup Final: प्रज्ञानानंदाचे विश्वविजयाचे स्वप्न भंगले! फायनलमध्ये कार्लसन पडला भारी

R Praggnanandhaa vs Magnus Carlsen: चेस वर्ल्डकप फायनलच्या टायब्रेकरमध्ये प्रज्ञानानंदवर कार्लसनने मात करत विजेतेपद पटकावले.

Pranali Kodre

FIDE Chess World Cup 2023 Final, R Praggnanandhaa VS Magnus Carlsen:

फिडे चेस वर्ल्डकपचा अंतिम सामना भारताचा ग्रँडमास्टर आर प्रज्ञानानंद आणि नॉर्वेच्या दिग्गज मॅग्नस कार्लसन यांच्यात झाला. या अंतिम सामन्यात टायब्रेकरमध्ये कार्लसनने प्रज्ञानानंदावर मात करत विजेतेपदाला गवसणी घातली. त्यामुळे प्रज्ञानानंदाचे स्वप्न भंगले आहे.

दरम्यान, 32 वर्षीय कार्लसनने पहिल्यांदाच वर्ल्डकप विजेतेपद जिंकले आहे. त्याने अंतिम सामन्यात 1.5-05 ने प्रज्ञानानंदावर मात केली. असे असले तरी प्रज्ञानानंदानेही अखेरपर्यंत चांगली झुंज दिली होती. मात्र, त्याेच वेळेचे गणित चूकत गेले आणि कार्लसन विजयी झाला.

या सामन्यातील पहिले दोन गेम ड्रॉ राहिले होते. अंतिम सामन्यात मंगळवारी पहिला गेम 35 चालींनंतर ड्रॉ झाला होता. तसेच बुधवारी दुसरा गेम 30 चालींनंतर ड्रॉ करण्यासाठी दोन्ही खेळाडूंनी सहमती दर्शवली होती.

त्यामुळे गुरुवारी (24 ऑगस्ट) टायब्रेकर खेळवण्यात आला होता. टायब्रेकरमध्ये पहिल्या फेरीतच कार्लसनने त्याचे विश्वविजेतेपद निश्चित केले.

टायब्रेकरमधील पहिल्या गेममध्ये प्रज्ञानानंदाने चांगली सुरुवात केली होती. पण कार्लसननेही अनुभवाच्या जोरावर हा गेम जिंकला. दुसऱ्या गेममध्ये कार्लसनने त्याची लय कायम ठेवली. पण प्रज्ञानानंदानेही चांगली लढत दिली. मात्र, दुसरा गेम ड्रॉ राहिला. त्यामुळे कार्लसनने आपला विजय निश्चित केला.

प्रज्ञानानंदाने सोमवारी जागतिक क्रमवारीत तिसऱ्या क्रमांकावर असलेल्या अमेरिकेच्या फॅबियानो कारुआनाचा पराभव करत अंतिम फेरीत प्रवेश केला होता.

दरम्यान, जर प्रज्ञानानंदाने अंतिम सामना जिंकला असता, तर तो 21 वर्षांनंतर फिडे वर्ल्डकप जिंकणारा भारतीय ठरला असता. भारताने 2002 मध्ये चेस वर्ल्डकप जिंकला होता. त्यावेळी विश्वनाथन आनंदने हा पराक्रम केला होता.

तिसरा क्रमांक

या वर्ल्डकपमध्ये फॅबियानो कारुआनाने तिसरा क्रमांक पटकावला आहे. त्याने तिसऱ्या क्रमांकाच्या सामन्यात निजत ऍबासोवला टायब्रेकरमध्ये पराभूत करत तिसरा क्रमांक मिळवला.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

IND vs NZ 1st Test: अवघ्या दोन धावांनी हुकलं शतक, शुभमन गिलच्या नावावर नकोसा रेकॉर्ड! धोनी-विराटच्या यादीत समावेश

Couple Assault Viral Video: फोटो काढणाऱ्या जोडप्याला अश्लील शेरेबाजी, बेदम मारहाण, 8 अल्पवयीन मुले ताब्यात; मुंबईतील खळबळजनक व्हिडिओ व्हायरल

Agniveer Recruitment Data Leak: मोठी खळबळ! अग्निवीरांचा डेटा डार्क वेबवर विकायचा डाव? 14 वर्षांच्या मुलाला दिल्ली पोलिसांनी घेतलं ताब्यात

Railways New Rules: प्रवाशांनो सावधान! ट्रेनमध्ये मोठ्या आवाजात बोलणे पडू शकते महागात; न ऐकल्यास भोगावा लागू शकतो तुरुंगवास अन् दंड

Check Dam Construction: 3 तालुक्यांत 116 बंधाऱ्यांत पाणी अडवले; परिसरातील भूजल पातळीत वाढ झाल्याचा दावा

SCROLL FOR NEXT