India vs England 1st Test: भारत आणि इंग्लंड यांच्यातील पहिला कसोटी सामना हैदराबादच्या राजीव गांधी आंतरराष्ट्रीय क्रिकेट स्टेडियमवर खेळवला जात आहे. या सामन्यात इंग्लंडने पहिल्यांदा फलंदाजी करत 246 धावा केल्या, ज्याच्या प्रत्युत्तरात टीम इंडियाने एकूण 436 धावा केल्या. भारतासाठी फलंदाजांनी चमकदार कामगिरी केली. त्याचबरोबर इंग्लंडच्या एका स्टार फलंदाजाने भारताविरुद्ध सर्वाधिक कसोटी धावा करण्याचा विक्रम केला आहे. चला तर मग त्याच्याबद्दल जाणून घेऊया...

जो रुटचा चमत्कार

दरम्यान, जो रुट हा भारताविरुद्ध सर्वाधिक कसोटी धावा करणारा खेळाडू ठरला आहे. त्याने जगातील सर्व फलंदाजांना मागे टाकले आहे. जो रुटने भारताविरुद्धच्या पहिल्या कसोटी सामन्याच्या पहिल्या डावात 29 धावा आणि दुसऱ्या डावात 2 धावा केल्या. यामुळे तो कसोटी क्रिकेटमध्ये भारताविरुद्ध सर्वाधिक धावा करणारा फलंदाज ठरला आहे. त्याने रिकी पाँटिंगला मागे टाकले आहे. रुटने भारताविरुद्ध 2557 धावा केल्या आहेत. पाँटिंग 2555 धावांसह दुसऱ्या स्थानावर आहे. ॲलिस्टर कूक 2431 धावांसह तिसऱ्या स्थानावर आहे.

भारताविरुद्ध सर्वाधिक कसोटी धावा करणारे खेळाडू:

जो रुट- 2557 धावा

रिकी पाँटिंग- 2555 धावा

ॲलिस्टर कुक- 2431 धावा

क्लाइव्ह लॉयड- 2344 धावा

जावेद मियांदाद- 2228 धावा

भारताविरुद्ध शतके झळकावली

जो रुटने भारताविरुद्धच्या 26 कसोटी सामन्यांमध्ये 2557 धावा केल्या आहेत, ज्यात 9 शतके आणि 10 अर्धशतकांचा समावेश आहे. 218 धावा ही त्याची सर्वोत्तम धावसंख्या आहे. भारताविरुद्धच्या कसोटीत तो फक्त एकदाच शून्यावर बाद झाला आहे. जगातील सर्वोत्तम फलंदाजांमध्ये रुटची गणना होते. त्याने इंग्लंड संघासाठी अनेक सामने स्वबळावर जिंकले आहेत.