Sachin Tendulkar Dainik Gomantak
क्रीडा

ENG vs AUS: कोहली नाही, 'हा' फलंदाज मोडणार सचिनचा सर्वात मोठा रेकॉर्ड; चाहत्यांनाही विश्वास बसणार नाही!

ENG vs AUS, Ashes 1st Test: ऑस्ट्रेलिया आणि इंग्लंड यांच्यात ऍशेस मालिका सुरु झाली आहे. इंग्लंडमधील एजबॅस्टन येथे 16 जूनपासून पहिला कसोटी सामना सुरु झाला आहे.

Manish Jadhav

ENG vs AUS, Ashes 1st Test: ऑस्ट्रेलिया आणि इंग्लंड यांच्यात ऍशेस मालिका सुरु झाली आहे. इंग्लंडमधील एजबॅस्टन येथे 16 जूनपासून पहिला कसोटी सामना सुरु झाला आहे.

या सामन्यात खेळणारा एक फलंदाज कसोटी क्रिकेटमध्ये सातत्याने धावा करत आहे, त्यामुळे सचिन तेंडुलकरचा मोठा विक्रमही मोडीत निघण्याची शक्यता आहे. मात्र, सचिनचा हा मोठा विक्रम मोडणे सोपे काम नाही, पण सध्या जर कोणी फलंदाज तो करु शकत असेल तर तो हा इंग्लंडचा फलंदाज आहे. चला तर त्याच्याबद्दल जाणून घेऊया...

तेंडुलकरचा विक्रम मोडणार!

टीम इंडियासाठी जवळपास 25 वर्षे क्रिकेट खेळणारा महान फलंदाज सचिन तेंडुलकरच्या (Sachin Tendulkar) नावावर असे अनेक विक्रम आहेत, ज्याचा विचार करणेही कठीण आहे. तेंडुलकरने कसोटी क्रिकेटमध्ये इतक्या धावा केल्या की, त्याच्या नावावर सर्वाधिक धावा करण्याचा विक्रम झाला.

सचिनच्या नावावर कसोटीत 15921 धावांचा विश्वविक्रम आहे. त्याचा हा विक्रम मोडण्याच्या जवळपासही अद्याप कोणीही पोहचू शकलेले नाही. अशा परिस्थितीत इंग्लंडचा कर्णधार आणि स्टार फलंदाज जो रुट या दिशेने वेगाने पुढे जात आहे.

येत्या काही वर्षांपर्यंत तो ज्या फॉर्ममध्ये फलंदाजी करत आहे, तो असाच सुरु ठेवला तर तो एक मोठा विक्रम मोडू शकतो.

हा खेळाडू मोडणार विश्वविक्रम!

दरम्यान, जो रुटने ऑस्ट्रेलियाविरुद्धच्या (Australia) ऍशेस कसोटीच्या पहिल्या दिवशी शतक झळकावले. त्याने 152 चेंडूत 118 धावांची नाबाद खेळी खेळली. यादरम्यान त्याच्या बॅटमधून 7 चौकार आणि 4 षटकार आले.

रुट गेल्या काही काळापासून ज्या फॉर्ममध्ये आहे, ते पाहता येत्या काही वर्षांत तो सचिन तेंडुलकरचा सर्वाधिक कसोटी धावांचा विक्रम मोडीत काढेल, असे दिसते. रुटने कसोटी क्रिकेटमध्ये 11122 धावा केल्या आहेत. मात्र, हा मोठा विक्रम मोडण्यासाठी त्याला 3-4 वर्षे याच फॉर्ममध्ये राहावे लागणार आहे.

असा झाला पहिल्या दिवसाचा खेळ

एजबॅस्टन येथे खेळल्या जात असलेल्या पहिल्या ऍशेस कसोटी सामन्याबद्दल बोलायचे झाल्यास, इंग्लंडने पहिल्याच दिवशी फलंदाजी करताना 393 धावा करुन डाव घोषित केला. जो रुटने नाबाद 118 धावांची खेळी केली.

याशिवाय सलामीवीर जॅक क्रॉलीने 61 तर जॉनी बेअरस्टोने 78 धावा केल्या. प्रत्युत्तरात ऑस्ट्रेलियाने पहिल्या दिवसाचा खेळ संपेपर्यंत विकेट न गमावता 14 धावा केल्या होत्या. सलामीवीर उस्मान ख्वाजा (4) आणि डेव्हिड वॉर्नर (8) क्रीजवर आहेत.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

कुलगाममधील CRPF पथकावर हल्ला करणाऱ्या दहशतवाद्यांचा खात्मा; लष्कर-ए-तैयबाचा कमांडर लतीफ भटसह दोन दहशतवादी चकमकीत ढेर

Rajat Patidar Century: 13 षटकार, 8 चौकार, 281 चा स्ट्राईक रेट! तडाखेबंद शतक ठोकून रजत पाटीदारने रचला नवा इतिहास; गोलंदाजांची उडवली झोप

मुंबईत रंगला 'गली क्रिकेट'चा थरार! प्रिन्स विल्यम आणि केट मिडलटनला क्रिकेटच्या देवाने दिले फलंदाजीचे धडे; व्हिडिओ तूफान व्हायरल

India vs Pakistan: पुन्हा एकदा रंगणार भारत-पाक महामुकाबला! हिसाब चुकता करण्यास टीम इंडिया सज्ज; हाय-व्होल्टेज लढतीकडे क्रिकेटप्रेमींचं लक्ष

Goa Politics: मांद्रेत आरोलकरांना मुख्यमंत्र्यांकडून बळ, विकासकामांचं केलं तोंडभरुन कौतुक; 2027 मध्ये जीत पुन्हा विक्रमी मतांनी निवडून येतील

SCROLL FOR NEXT