जगातील सर्वात आक्रमक गोलंदाजांमध्ये जसप्रीत बुमराहचे (Jasprit Bumrah) नाव का घेतले जाते, हे त्याने इंग्लंडविरुद्धच्या (England) पहिल्या कसोटी सामन्यात सिद्ध केले. बुमराहने इंग्लंडच्या विरुद्धच्या या सामन्यात एकूण 9 बळी घेतले. पहिल्याच डावात त्याने इंग्लंडच्या चार फलंदाजांना बाद केले, तर दुसऱ्या डावात जवळपास अर्ध्या संघाला म्हणजेच पाच फलंदाजांना पॅव्हेलियनचा रस्ता दाखवला. विशेष म्हणजे बुमराहने यावेळी आपल्या गोलंदाजीच्या बळावर त्याने भारताचा माजी वेगवान गोलंदाज झहीर खानचा विक्रम मोडला. दुसरीकडे, इंग्लंडने पहिल्या डावात 183 धावा आणि दुसऱ्या डावात 303 धावा केल्या. (Jasprit Bumrah has broken Zaheer Khan's record in Tests mach)

इंग्लंडमध्ये भारतासाठी कसोटी सामन्यात सर्वाधिक विकेट घेण्याच्या बाबतीत जसप्रीत बुमराह आता दुसऱ्या स्थानावर आला आहे. त्याने इंग्लंडविरुद्ध पहिल्या कसोटीत दोन डावात 110 धावा देऊन 9 विकेट्स घेतल्या. त्याच्या आधी झहीर खानने इंग्लंडविरुद्धच्या कसोटी सामन्यात सर्वाधिक विकेट घेण्याच्या बाबतीत दुसऱ्या स्थानावर होता. झहीर खानने दोन डावात 134 धावा देऊन 9 बळी घेतले होते, पण बुमराहच्या या कामगिरीनंतर तो आता तिसऱ्या क्रमांकावर गेला आहे. कसोटीत सामन्यात इंग्लंडच्या मैदानात आजवर भारतासाठी सर्वोत्तम कामगिरी करणारा खेळाडू म्हणजे माजी वेगवान गोलंदाज चेतन शर्मा, चेतनने कसोटी सामन्यात दोन डावात 188 धावा देऊन 10 विकेट्स घेतल्या होत्या.

इंग्लंडमध्ये भारतासाठी कसोटीत सर्वाधिक विकेट घेणारे टॉप 3 गोलंदाज

10/188 - चेतन शर्मा

9/110 - जसप्रीत बुमराह

9/134 - झहीर खान

भारतीच्या वेगवान गोलंदाजांनी इंग्लंडविरुद्धच्या पहिल्या कसोटी सामन्यात एकूण 20 विकेट्स घेतल्या. मात्र या सामन्यात फिरकीपटू रविंद्र जडेजाला कोणतेही यश मिळाले नाही. पहिल्या डावात बुमराहने चार, शमीने तीन, शार्दुलने दोन आणि सिराजने एक विकेट घेतली, तर दुसऱ्या डावात बुमराहने पाच, सिराज आणि शार्दुलने प्रत्येकी दोन तर शमीने एक बळी घेतला. संघातील एकमेव फिरकीपटू जडेजाला मात्र, यावेळी अपेक्षित यश मिळाले नाही.