IPL Player Arrested: नेपाळच्या क्रिकेट संघाचा माजी कर्णधार आणि इंडियन प्रीमियर लीगमध्येही खेळलेला क्रिकेटपटू संदीप लामिछाने (Sandeep Lamichchane) याला अल्पवयीन मुलीवर बलात्काराच्या आरोपावरून अटक करण्यात आली आहे. काठमांडू विमानतळावर पोलिसांनी त्याला अटक केली.
संदीपने यापुर्वीच शरण येत असल्याचे त्याच्या फेसबूक अकाऊंटवरून सांगितले होते. त्याने त्याच्या सोशल मीडिया पोस्टमध्ये म्हटले त्याच्या चाहत्यांना सांगितले होते की, या प्रकरणात त्याला गोवले जात आहे, तो पुर्णतः निर्दोष आहे. पोलिसांना तपासात संपुर्ण सहकार्य करणार आहे. मी निर्दोष आहे आणि ते सिद्ध करण्यासाठई मी कायदेशीर लढाई लढेन.
या संपुर्ण प्रकरणाच्या चौकशीत वकीलाला सोबत ठेवण्याची परावानगीही संदीपने मागितली होती. संदीप लामिछाने याला रविवारी न्यायालयात हजर केले जाऊ शकते. नेपाळ पोलिसांनी याबाबत तयारी केली आहे.
काठमांडू जिल्हा न्यायालयाने 23 ऑगस्ट रोजी संदीप लामिछाने याच्या विरोधात अटक वॉरंट काढले होते. पण क्रिकेट स्पर्धेच्या दौऱ्यामुळे तो त्यापुर्वीच देशाबाहेर गेला होता.
एएनआय या वृत्तसंस्थेच्या माहितीनुसार स्थानिक वेळेनुसार सकाळी दहाच्या सुमारास काठमांडू विमानतळावर पोलिसांनी संदीपला ताब्यात घेतले. संदीप लामिछाने हा दिल्ली कॅपिटल्स संघाकडून आयपीएलमध्ये खेळला होता. त्याने आत्तापर्यंत आयपीएलमध्ये 9 सामने खेळले आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.