IPL Records: आयपीएल ही जगातील सर्वात श्रीमंत T20 क्रिकेट लीग आहे, ज्यामध्ये दिग्गज खेळाडूंसह नवखे खेळाडूही खेळतात.
मात्र, आयपीएलमध्ये असे 3 खेळाडू आहेत, ज्यांना या टी-20 क्रिकेट लीगमध्ये आजपर्यंत एकही षटकार मारता आलेला नाही, असे कोणी म्हटले तर त्यावर विश्वास ठेवणे कठीण जाईल. मात्र, आयपीएलमधील कोणते 3 स्टार क्रिकेटर्स आहेत, ज्यांना एकही षटकार मारता आला नाही ते पाहूया...
ऑस्ट्रेलियाचा माजी कर्णधार मायकेल क्लार्कला आयपीएलमध्ये एकही षटकार मारता आलेला नाही. मायकेल क्लार्कने ऑस्ट्रेलियाकडून कसोटी, एकदिवसीय आणि टी-20 क्रिकेट खेळले आहे.
क्लार्कने एकदिवसीय क्रिकेटमध्ये 53 षटकार आणि T20 आंतरराष्ट्रीय क्रिकेटमध्ये 10 षटकार आणि कसोटी क्रिकेटमध्ये 39 षटकार मारले आहेत, परंतु आयपीएलमध्ये (IPL) त्याला एकही षटकार मारता आलेला नाही.
भारताचा माजी सलामीवीर आकाश चोप्राला आयपीएलमध्ये एकही षटकार मारता आलेला नाही. आयपीएल व्यतिरिक्त आकाश चोप्राला भारतासाठी आंतरराष्ट्रीय क्रिकेटमध्ये एकही षटकार मारता आलेला नाही.
भारताचा (India) माजी सलामीवीर आणि सध्याचा समालोचक आकाश चोप्राने भारतासाठी 10 कसोटी सामने खेळले आहेत.
याशिवाय, आकाशने 7 आयपीएल सामनेही खेळले आहेत, मात्र या फलंदाजाच्या नावावर एकही षटकार नाही.
आकाश चोप्रा हा भारतीय देशांतर्गत क्रिकेटमध्येही चांगला फलंदाज राहिला आहे. आकाशने 162 प्रथम श्रेणी सामन्यांमध्ये 45.35 च्या सरासरीने 10,839 धावा केल्या आहेत.
पाकिस्तानचा महान फलंदाज शोएब मलिक हा टी-20 फॉरमॅटचा मास्टर मानला जातो. शोएब मलिकने 510 टी-20 सामन्यांमध्ये 12,528 धावा केल्या आहेत, परंतु आयपीएलमध्ये त्याच्या नावावर एकही षटकार नाही. शोएब मलिकने आयपीएलमध्ये 7 सामने खेळले आहेत, परंतु या टी-20 क्रिकेट लीगमध्ये त्याने एकही षटकार मारलेला नाही. शोएब मलिकने टी-20 क्रिकेटमध्ये 166 विकेट्स घेतल्या आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.