Royal Challengers Bangalore vs Mumbai Indians: इंडियन प्रीमियर लीग 2023 स्पर्धेतील पाचवा सामना रॉयल चॅलेंजर्स बेंगलोर विरुद्ध मुंबई इंडियन्स संघात रविवारी होत आहे. एम चिन्नास्वामी स्टेडियमवर होत असलेल्या सामन्यात आरसीबीने नाणेफेक जिंकली असून प्रथम गोलंदाजी करण्याचा निर्णय घेतला आहे.
हा सामना या दोन्ही संघांचा चालू आयपीएल हंगामातील पहिलाच सामना आहे. या सामन्यातून मुंबई इंडियन्सकडून जोफ्रा आर्चरने पदार्पण केले आहे. तसेच मुंबई इंडियन्सने आर्चरव्यतिरिक्त टीम डेव्हिड आणि कॅमेरॉन ग्रीन या परदेशी खेळाडूंना प्लेइंग इलेव्हनमध्ये संधी दिली आहे.
दरम्यान, मुंबईने तीनच परदेशी खेळाडूंना प्लेइंग इलेव्हनमध्ये संधी दिलेली असल्याने ते इम्पॅक्ट प्लेअर म्हणून एका परदेशी खेळाडूचा नंतर सामन्यात सामील करू शकतात.
त्याचशिवाय आरसीबीने कर्णधार फाफ डू प्लेसिसशिवाय ग्लेन मॅक्सवेल, मायकल ब्रेसवेल आणि रीस टोपली या चार परदेशी खेळाडूंना प्लेइंग इलेव्हनमध्ये संधी दिली आहे. या सामन्यातून ब्रेसवेलने आयपीएलमध्ये पदार्पण केले आहे.
दरम्यान आरसीबीने प्लेइंग इलेव्हनमध्ये चार परदेशी खेळाडूंना संधी दिलेली असल्याने इम्पॅक्ट प्लेअर म्हणून केवळ भारतीय खेळाडूलाच संघात सामील करू शकतात.
रॉयल चॅलेंजर्स बेंगलोर - विराट कोहली, फाफ डू प्लेसिस (कर्णधार), ग्लेन मॅक्सवेल, मायकल ब्रेसवेल, शाहबाज अहमद, दिनेश कार्तिक (यष्टीरक्षक), कर्ण शर्मा, हर्षल पटेल, आकाश दीप, रीस टोपले, मोहम्मद सिराज
मुंबई इंडियन्स - रोहित शर्मा (कर्णधार), इशान किशन (यष्टीरक्षक), सूर्यकुमार यादव, कॅमेरॉन ग्रीन, तिलक वर्मा, टीम डेव्हिड, नेहल वढेरा, हृतिक शोकीन, पियुष चावला, जोफ्रा आर्चर, अर्शद खान
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
