Viral Photo: IPL 2023 च्या 65 व्या सामन्यात गुरुवारी (18 मे) रॉयल चॅलेंजर्स बंगलोरने सनरायझर्स हैदराबादचा आठ विकेट्सने पराभव केला. तसेच आता आरसीबी संघ शेवटच्या सामन्यात चौथ्या स्थानावर पोहोचला आहे आणि प्लेऑफच्या शर्यतीत कायम आहे. 

दरम्यान, आरसीबीचे काही फोटो सोशल मीडियावर (Social Media) मोठ्या प्रमाणात व्हायरल होत आहेत. हे फोटो AI च्या मदतीने बनवण्यात आली आहेत, ज्यामध्ये RCB यावेळी IPL चे जेतेपद पटकावण्यात यशस्वी ठरले तर सेलिब्रेशन कसे असेल हे दाखवण्यात आले आहे.  आरसीबीच्या चाहत्यांना हे फोटो सोशल मीडियावर खूप आवडले आहे.

ट्रॉफी जिंकल्यानंतर विराट कोहली आणि इतर सहकारी कसे सेलिब्रेशन करताना दिसत आहेत, हे फोटोमध्ये पाहायला मिळते. त्याचबरोबर हे फोटो (Photo) पाहून लोकही आपल्या प्रतिक्रिया देत आहेत. यावेळी आरसीबी शानदार खेळ करत आहे. यामुळे तो या मोसमात प्ले-ऑफमध्ये जाण्याची शक्यता आहे. मात्र, इतर संघांच्या विजय-पराजयावरही ते अवलंबून असेल.

आरसीबीचे हे फोटो शाहिद नावाच्या युजरने शेअर केले आहेत. फोटो पोस्ट करत त्याने लिहिले, 'यावेळी आरसीबी टीमने ट्रॉफी जिंकली तर सेलिब्रेशन कसे असेल?' यावर एका यूजरने लिहिले की, 'हा विजय फक्त एक काल्पनिक गोष्ट आहे.' दुसर्‍या यूजरने लिहिले की, 'हे फक्त AI च्या मदतीने शक्य आहे.' त्याचवेळी आणखी एका यूजरने लिहिले की, 'हे स्वप्न कधी पूर्ण होईल माहीत नाही.' आयपीएलच्या इतिहासात RCB संघाला एकदाही ट्रॉफी जिंकता आलेली नाही.