IPL 2023, DC vs GT: दिल्लीच्या अरुण जेटली स्टेडियमवर सध्या दिल्ली कॅपिटल्स आणि गुजरात टायटन्स यांच्यात सामना सुरु आहे. या सामन्यात गुजरात टायटन्सचा कर्णधार हार्दिक पांड्याने नाणेफेक जिंकून प्रथम गोलंदाजी करण्याचा निर्णय घेतला.
दोन्ही संघांच्या प्लेइंग इलेव्हनमध्ये अनेक बदल करण्यात आले आहेत. यादरम्यान सामन्यात दोन खेळाडूंमध्ये एक छोटीशी घटना घडली.
वास्तविक, रशीद खान आणि सरफराज खान यांची टक्कर झाली. यामध्ये रशीद खाली पडला. हे दृश्य 15 व्या षटकात पाहायला मिळाले.
15 व्या षटकात राशिद खानने (Rashid Khan) पाचवा चेंडू सरफराज खानला टाकला आणि सरफराजने तो चेंडू डीप बॅकवर्ड स्क्वेअर लेगकडे वळवला. यादरम्यान धाव काढण्यासाठी सरफराज वेगाने धावला.
दुसरीकडे, रशीद क्रिजजवळ उभा होता, सरफराजची नजर चेंडूवर होती. त्याचवेळी रशीदनेही सरफराजकडे पाहिले नाही. अशा स्थितीत दोघांमध्ये टक्कर झाली, यामध्ये रशीद खाली पडला.
सामन्याबद्दल बोलायचे झाले तर दिल्ली कॅपिटल्सकडून खेळणाऱ्या सरफराज खानने 34 चेंडूत दोन चौकारांसह 30 धावा केल्या.
कर्णधार डेव्हिड वॉर्नरने 32 चेंडूत 37 धावा आणि अक्षर पटेलने 22 चेंडूत 36 धावा केल्या. दिल्ली कॅपिटल्सने 20 षटकांत 8 गडी गमावून 162 धावा केल्या.
दुसरीकडे, रशीद खानने गुजरात टायटन्ससाठी (Gujarat Titans) शानदार गोलंदाजी केली. त्याने 4 षटकात 31 धावा देत 3 बळी घेतले. तर मोहम्मद शमीने 4 षटकात 41 धावा देत 3 बळी घेतले. अल्झारी जोसेफने 4 षटकांत 29 धावा देत 2 बळी घेतले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.