इंडियन प्रीमियर लीग २०२३ स्पर्धेत रविवारी डबल हेडर म्हणजेच दोन सामने खेळवले जाणार आहेत. पहिला सामना चेन्नई सुपर किंग्स विरुद्ध पंजाब किंग्स संघात होत आहे. हा सामना चेन्नईच्या घरच्या मैदानावर एमए चिदंबरम स्टेडियमवर होत आहे.

या सामन्यात चेन्नईचा कर्णधार एमएस धोनीने नाणेफेक जिंकली असून प्रथम फलंदाजी करण्याचा निर्णय घेतला आहे.

या सामन्यासाठी चेन्नईने त्यांच्या संघात कोणताही बदल केलेला नाही. तसेच पंजाबने एक महत्त्वाचा बदल केला आहे. पंजाब संघात हरप्रीत ब्रारचे पुनरागमन झाले आहे. त्याला गुरनूर ब्रारच्या जागेवर स्थान मिळाले.

या सामन्यासाठी चेन्नईच्या प्लेइंग इलेव्हनमध्ये डेवॉन कॉनवे, मोईन अली, मथिशा पाथिराना आणि महिश तिक्षणा या चार परदेशी खेळाडूंचा समावेश आहे. तसेच पंजाबच्या प्लेइंग इलेव्हनमध्ये लियाम लिव्हिंगस्टोन, सिकंदर रझा, सॅम करन आणि कागिसो रबाडा या चार परदेशी खेळाडूंचा समावेश आहे. दोन्ही संघाच्या प्लेइंग इलेव्हनमध्ये प्रत्येकी ४ परदेशी खेळाडू असल्याने त्यांना इम्पॅक्ट प्लेअर म्हणून केवळ भारतीय खेळाडूंना वापरता येणार आहे.

इम्पॅक्ट प्लेअरच्या पर्यायांसाठी चेन्नईने राखीव खेळाडूंमध्ये आकाश सिंग, ड्वेन प्रिटोरियस, सुभ्रांशु सेनापती, शेख राशीद आणि राजवर्धन हंगारगेकर यांची निवड केली आहे, तर पंजाबने प्रभसिमरन सिंग, मॅथ्यु शॉर्ट,ऋषी धवन, मोहित राठी आणि शिवम सिंग यांची निवड राखीव खेळाडूंमध्ये केली आहे.

दरम्यान, हा दोन्ही संघांसाठी प्रत्येकी ९ वा सामना आहे. चेन्नईने आत्तापर्यंत ८ सामन्यांपैकी ५ सामने जिंकले आहेत आणि ३ सामने पराभूत झाले आहेत, पंजाबने आत्तापर्यंत ८ सामन्यांपैकी ४ सामने जिंकले आहेत आणि ४ सामने पराभूत झाले आहेत.

असे आहेत प्लेइंग इलेव्हन -

• चेन्नई सुपर किंग्स - ऋतुराज गायकवाड, डेव्हॉन कॉनवे, अजिंक्य रहाणे, मोईन अली, अंबाती रायुडू, शिवम दुबे, रवींद्र जडेजा, एमएस धोनी (यष्टीरक्षक/कर्णधार), मथीशा पाथीराना, तुषार देशपांडे, महिश तिक्षणा.

• पंजाब किंग्स - अथर्व तायडे, शिखर धवन (कर्णधार), लियाम लिव्हिंगस्टोन, सिकंदर रझा, सॅम करन, जितेश शर्मा (यष्टीरक्षक), शाहरुख खान, हरप्रीत ब्रार, कागिसो रबाडा, राहुल चहर, अर्शदीप सिंग