India vs Japan Hockey World Cup: FIH पुरुष हॉकी विश्वचषक 2023 च्या क्लासिफिकेशन सामन्यात यजमान भारताने गुरुवारी जपानचा 8-0 असा पराभव केला आणि क्रॉसओव्हर सामन्यातील पराभव मागे टाकला. पहिल्या दोन क्वार्टरमध्ये एकाही संघाला गोल करता आला नाही, मात्र तिसऱ्या आणि चौथ्या क्वार्टरमध्ये प्रत्येकी 4 गोल करत भारतीय संघाने जपानचा पराभव केला.
दरम्यान, बिरसा मुंडा आंतरराष्ट्रीय स्टेडियमवर झालेल्या सामन्यात अभिषेक (35वा, 43वा) आणि हरमनप्रीत सिंग (45वा, 58वा) यांनी विजयी संघासाठी दोन गोल केले, तर मनदीप सिंग (32वा, विवेक प्रसाद सागर (39वा), मनप्रीत सिंग (58वा) मिनिट) आणि सुखजित सिंग (59व्या मिनिटाला) यांनी प्रत्येकी एक गोल केला.
आता, 9व्या ते 12व्या स्थानाच्या क्लासिफिकेशन सामन्यात भारताचा (India) सामना शनिवारी दक्षिण आफ्रिकेशी होणार आहे. जगातील अव्वल चार संघ, ऑस्ट्रेलिया, जर्मनी, नेदरलँड आणि बेल्जियम यांनी विश्वचषकाच्या उपांत्य फेरीत प्रवेश केला आहे. शुक्रवारी होणारे शेवटचे चार सामने रोमांचक होण्याची अपेक्षा आहे.
तसेच, पहिल्या उपांत्य फेरीत जागतिक क्रमवारीत अव्वल स्थानी असलेल्या ऑस्ट्रेलियाचा (Australia) सामना जागतिक क्रमवारीत चौथ्या क्रमांकावर असलेल्या जर्मनीशी होईल, तर दुसऱ्या उपांत्य फेरीत गतविजेत्या बेल्जियमचा सामना दोन वेळा उपविजेत्या नेदरलँड्सशी होईल.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.