India Women Cricket Team Dainik Gomantak
क्रीडा

Women's T20 World Cup: भारतीय महिला संघाची उपांत्य फेरीत धाकड एन्ट्री, आयर्लंडचा उडवला धुव्वा

India Women vs Ireland Women: भारताने दक्षिण आफ्रिकेत चालू असलेल्या ICC महिला T20 विश्वचषक 2023 च्या उपांत्य फेरीत प्रवेश केला आहे.

Manish Jadhav

India Women vs Ireland Women: भारताने दक्षिण आफ्रिकेत चालू असलेल्या ICC महिला T20 विश्वचषक 2023 च्या उपांत्य फेरीत प्रवेश केला आहे. सोमवारी पावसाने प्रभावित झालेल्या सामन्यात भारताने आयर्लंडचा पराभव केला.

दरम्यान, नाणेफेक जिंकून भारताची सुरुवात चांगली झाली. स्मृती मानधना आणि शफाली वर्मा यांनी पहिल्या विकेटसाठी 62 धावांची भागीदारी केली. मात्र ही भागीदारी लॉरा डेलानीने 10व्या षटकात शफालीला बाद करुन मोडली. शफालीने 29 चेंडूंत 3 चौकारांसह 27 धावा केल्या.

दुसरीकडे, हरनप्रीत कौर (Harmanpreet Kaur) आणि रिचा घोष 16व्या षटकात पॅव्हेलियनमध्ये परतल्या. दोघीही डेलानीच्या जाळ्यात अडकल्या. हरनप्रीतने 20 चेंडूत 13 धावांचे योगदान दिले. मात्र, रिचा खातेही उघडू शकली नाही. याच षटकात मानधना आणि दीप्ती शर्मा (0)ही बाद झाल्या. डेलानीने त्यांना आपला बळी बनवले.

त्याचवेळी, 20 व्या षटकाच्या शेवटच्या चेंडूवर जेमिमा रॉड्रिग्ज यष्टीचीत झाली. तिला आर्लेन केलीने बाद केले. जेमिमाने 12 चेंडूत 19 धावा केल्या. तिने 3 चौकार मारले. तर पूजा वस्त्राकरने नाबाद 2 धावा केल्या.

तसेच, भारत (India) आणि आयर्लंड यांच्यातील हा चौथा आणि शेवटचा सामना होता. भारताने मागील तीन सामन्यांपैकी 2 जिंकले, तर एक गमावला. याआधी इंग्लंडने भारताचा 11 धावांनी पराभव केला. भारताचे सध्या चार गुण आहेत.

विशेष म्हणजे, भारत गुणतालिकेत दुसऱ्या स्थानावर आहे. यातच भारताने आज आयर्लंडला पराभूत करत उपांत्य फेरीत प्रवेश केला. त्याचवेळी इंग्लंड ब गटातून आधीच उपांत्य फेरीत पोहोचला आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

कुलगाममधील CRPF पथकावर हल्ला करणाऱ्या दहशतवाद्यांचा खात्मा; लष्कर-ए-तैयबाचा कमांडर लतीफ भटसह दोन दहशतवादी चकमकीत ढेर

Rajat Patidar Century: 13 षटकार, 8 चौकार, 281 चा स्ट्राईक रेट! तडाखेबंद शतक ठोकून रजत पाटीदारने रचला नवा इतिहास; गोलंदाजांची उडवली झोप

मुंबईत रंगला 'गली क्रिकेट'चा थरार! प्रिन्स विल्यम आणि केट मिडलटनला क्रिकेटच्या देवाने दिले फलंदाजीचे धडे; व्हिडिओ तूफान व्हायरल

India vs Pakistan: पुन्हा एकदा रंगणार भारत-पाक महामुकाबला! हिसाब चुकता करण्यास टीम इंडिया सज्ज; हाय-व्होल्टेज लढतीकडे क्रिकेटप्रेमींचं लक्ष

Goa Politics: मांद्रेत आरोलकरांना मुख्यमंत्र्यांकडून बळ, विकासकामांचं केलं तोंडभरुन कौतुक; 2027 मध्ये जीत पुन्हा विक्रमी मतांनी निवडून येतील

SCROLL FOR NEXT