India vs Sri Lanka 1st ODI, Probable Playing 11: भारतीय संघाने 2023 मधील पहिली मालिका जिंकली आहे. अष्टपैलू हार्दिक पांड्याच्या नेतृत्वाखाली श्रीलंकेविरुद्धच्या टी-20 मालिकेत त्याने 2-1 ने विजय मिळवला. शनिवारी राजकोटच्या SCA स्टेडियमवर भारताने मालिकेतील तिसरा आणि शेवटचा T20 सामना 91 धावांच्या मोठ्या फरकाने जिंकला. आता रोहित शर्माच्या नेतृत्वाखाली टीम इंडिया एकदिवसीय मालिका खेळणार आहे, जी 10 जानेवारीपासून सुरु होणार आहे.
सलामीवीर रोहित शर्मासह काही वरिष्ठ खेळाडूंना श्रीलंकेविरुद्धच्या टी-20 मालिकेतून विश्रांती देण्यात आली आहे. आता सर्व एकदिवसीय मालिकेसाठी संघात परततील. भारतीय संघ आता गुवाहाटीला पोहोचला आहे, जिथे तीन एकदिवसीय सामन्यांच्या मालिकेतील पहिला सामना खेळवला जाणार आहे.
दुसरीकडे, केएल राहुल, विराट कोहली, जसप्रीत बुमराह, मोहम्मद शमी, मोहम्मद सिराज आणि श्रेयस अय्यर हे वनडे मालिकेसाठी संघात आहेत. टी-20 मालिकेतील शेवटच्या सामन्यात झंझावाती शतक झळकावणारा सूर्यकुमार यादव (Suryakumar Yadav) देखील एकदिवसीय संघाचा भाग आहे, परंतु त्याच्या स्थानासाठी आणखी एक खेळाडू उत्सुक आहे.
सूर्यकुमार यादवने टी-20 मालिकेत अप्रतिम कामगिरी केली. मुंबईच्या (Mumbai) या फलंदाजाने राजकोट T20 मध्ये 112 धावांची इनिंग खेळली होती. तो चौथ्या क्रमांकावर फलंदाजीसाठी उतरतो. एकदिवसीय सामन्यांमध्ये या क्रमांकावर त्याच्यासमोर आणखी एक स्पर्धक आहे - श्रेयस अय्यर. श्रेयसने बांगलादेशविरुद्धच्या कसोटी मालिकेत भाग घेत शानदार कामगिरी केली होती. आता संघाचे मुख्य प्रशिक्षक राहुल द्रविड आणि कर्णधार रोहित शर्मा यांना गुवाहाटी वनडेसाठी प्लेइंग-11 निवडताना थोडी मानसिक कसरत करावी लागणार आहे. या क्षणी सूर्यकुमारला वगळणे अशक्य वाटत असले तरी.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.