India vs South Africa: भारत विरुद्ध दक्षिण आफ्रिका यांच्यातील सामन्याची तयारी जोरात सुरु आहे. भारतीय संघ आफ्रिका दौऱ्यावर पोहोचला आहे. पुढील वर्षी होणाऱ्या आयसीसी टी-20 विश्वचषकापूर्वी हा दौरा भारतासाठी अत्यंत महत्त्वाचा ठरणार आहे. या मालिकेनंतर भारताला अफगाणिस्तानविरुद्ध फक्त टी-20 मालिका खेळण्याची संधी मिळेल, त्यानंतर थेट विश्वचषकासाठी जावे लागेल. या दृष्टिकोनातून ही मालिका खूप महत्त्वाची आहे. भारत विरुद्ध दक्षिण आफ्रिका यांच्यातील 3 टी-20 सामन्यांच्या मालिकेतील पहिला सामना किंग्समीड येथील डर्बन क्रिकेट स्टेडियमवर खेळवला जाईल. चला तर मग या स्टेडियमवर भारताचा रेकॉर्ड कसा आहे ते जाणून घेऊया...
भारत विरुद्ध दक्षिण आफ्रिका यांच्यातील पहिल्या सामन्यापूर्वी, प्रथम या स्टेडियमवर भारताचा रेकॉर्ड कसा आहे ते जाणून घ्या, जेणेकरुन या सामन्यातील विजय आणि पराभवाचा अंदाज लावता येईल. या स्टेडियमवर भारताने एकूण 14 सामने खेळले आहेत. यामध्ये कसोटी, T20 आणि एकदिवसीय या तीनही फॉरमॅटचा समावेश आहे. तुम्हाला हे जाणून आश्चर्य वाटेल की, या 14 सामन्यांमध्ये भारताने केवळ 3 सामने जिंकले आहेत, तर 9 सामन्यांमध्ये पराभवाचा सामना करावा लागला आहे. याशिवाय, भारताचा एक सामना टाय झाला, तर एक सामना रद्द झाला. यावरुन भारताचा या स्टेडियमवरील रेकॉर्ड चांगला नसल्याचे स्पष्ट होते.
दरम्यान, भारत विरुद्ध दक्षिण आफ्रिका यांच्यातील टी-20 सामना रात्री 9.30 पासून खेळवला जाईल. मालिकेतील पहिला सामना 10 डिसेंबरला होणार असून दुसरा सामना 12 डिसेंबरला होणार आहे. भारत विरुद्ध दक्षिण आफ्रिका यांच्यातील तिन्ही टी-20 सामने रात्री 9.30 वाजल्यापासून खेळवले जातील. दुसरा टी-20 सामना सेंट जॉर्ज पार्क, गेबरहा येथे खेळवला जाईल. टी-20 मालिकेतील तिसरा आणि शेवटचा सामना जोहान्सबर्गच्या न्यू वांडरर्स स्टेडियमवर खेळवला जाणार आहे. अशा स्थितीत विश्वचषकापूर्वी भारताला ही मालिका जिंकता येते का, हे पाहणे उत्सुकतेचे असणार आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.