India vs New Zealand Dainik Gomantak
क्रीडा

India vs New Zealand, 2nd ODI: भारताच्या मालिका विजयाच्या आशा संपुष्टात, दुसरा वनडे रद्द

न्यूझीलंड विरुद्ध भारत यांच्यातील वनडे मालिकेतील दुसरा सामना पावसाच्या व्यत्ययामुळे रद्द करण्यात आला.

दैनिक गोमन्तक डिजिटल

India vs New Zealand, 2nd ODI: न्यूझीलंड विरुद्ध भारत संघात सेडन पार्क, हॅमिल्टन येथे रविवारी वनडे मालिकेतील दुसरा सामना होणार होता. मात्र, पावसामुळे हा सामना 12.5 षटकांच्या खेळानंतर रद्द करण्याचा निर्णय घेण्यात आला.

त्यामुळे तीन सामन्यांच्या वनडे मालिकेत पहिल्या सामन्यातील विजयामुळे न्यूझीलंड 1-0 अशा फरकासह आघाडीवर आहे. आता केवळ अखेरचा सामना उरला असल्याने भारताच्या मालिका विजयाच्या आशा संपुष्टात आल्या आहेत.

रविवारी न्यूझीलंडने नाणेफेक जिंकून प्रथम गोलंदाजी करण्याचा निर्णय घेतला होता. त्यामुळे भारतीय संघ प्रथम फलंदाजीसाठी उतरला मात्र, सामन्यात सातत्याने पावसाचा व्यत्यय येत होता. अखेर भारताने 12.5 षटकांत 1 बाद 89 धावा केल्या असताना पावसाच्या व्यत्ययामुळे सामना रद्द करण्याचा निर्णय घेण्यात आला.

दरम्यान, भारताकडून शिखर धवन आणि शुबमन गिलने डावाची सुरुवात केली होती. मात्र, कर्णधार धवन अधिक काळ टिकू शकला नाही. तो 3 धावांवर बाद झाला. पण त्यानंतर गिल आणि सूर्यकुमार यादव यांनी डाव सांभाळला होता. त्यांच्यात अर्धशतकी भागीदारीही झाली होती. मात्र, पावसाच्या व्यत्ययामुळे त्यांना पॅव्हेलियनमध्ये परतावे लागले.

गिलने नाबाद 45 धावा केल्या आणि सूर्यकुमारने नाबाद 34 धावांची खेळी केली. न्यूझीलंडकडून मॅट हेन्रीने एकमेव शिखर धवनची विकेट घेतली.

या सामन्यासाठी भारतीय संघाने अंतिम 11 जणांच्या संघात दोन बदल केले होते. शार्दुल ठाकूरच्या ऐवजी दीपक चाहरला आणि संजू सॅमसनच्या जागेवर दीपक हुडाला अंतिम 11 जणांमध्ये संधी देण्यात आली होती.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Shadashtak Yog 2026: सूर्य-चंद्राचा अशुभ योग! 'या' 3 राशींच्या नोकरी-व्यवसायात वाढणार अडचणी; आर्थिक नियोजन कोलमडणार?

Canada Shooting: कॅनडात रक्तरंजित थरार! शॉपिंग स्टोअरबाहेर भारतीय वंशाच्या जोडप्याची हत्या; परदेशात भारतीयांवर हल्ल्यांचे सत्र सुरुच

Maharashtrian Shepu Bhaji: शेपू आवडतो की नावडतो? या भाजीच्या प्रेमात पडाल, अशी आहे चवीची भन्नाट कहाणी

Gossip Culture: गॉसिप्स अर्थात रिकामटेकड्यांच्या उचापती; गोड बोलून गुपिते काढणाऱ्यांपासून सावध राहा!

'आता उठवू सारे रान...' मुलांना मोबाईलच्या विळख्यातून बाहेर काढण्याची वेळ आली!

SCROLL FOR NEXT