Indian Fast Bowlers Take All 10 Wickets Wellington After 12 Years Dainik Gomantak
क्रीडा

IND vs NZ 1st Test: वेलिंग्टनमध्ये भारतीय वेगवान गोलंदाजांचा जलवा! न्यूझीलंडविरुद्ध 12 वर्षांनंतर रचला मोठा रेकॉर्ड; शानदार कामगिरीने वेधले लक्ष

Indian Fast Bowlers Take All 10 Wickets Wellington After 12 Years: भारत-न्यूझीलंड यांच्यातील पहिल्या कसोटी सामन्यात वेलिंग्टनच्या मैदानावर भारतीय वेगवान गोलंदाजांनी ऐतिहासिक कामगिरीची पुनरावृत्ती केली.

Manish Jadhav

Indian Fast Bowlers Take All 10 Wickets Wellington After 12 Years: भारत-न्यूझीलंड यांच्यातील पहिल्या कसोटी सामन्यात वेलिंग्टनच्या मैदानावर भारतीय वेगवान गोलंदाजांनी ऐतिहासिक कामगिरीची पुनरावृत्ती केली. कर्णधार शुभमन गिलने नाणेफेक जिंकून पहिल्यांदा गोलंदाजी करण्याचा घेतलेला निर्णय यशस्वी ठरवत वेगवान गोलंदाजांनी न्यूझीलंडचा पहिला डाव 368 धावांवर गुंडाळला. विशेष म्हणजे या डावातील सर्वच्या सर्व दहा बळी भारतीय वेगवान गोलंदाजांनीच टिपले असून, तब्बल बारा वर्षांनंतर असा पराक्रम घडला.

यापूर्वी, 2014 मध्ये वेलिंग्टनमध्येच भारतीय वेगवान गोलंदाजांनी ही किमया साधली होती, तेव्हा इशांत शर्माने सहा आणि मोहम्मद शमीने चार बळी घेतले होते, तर रवींद्र जडेजाने केवळ दोन षटके टाकली होती. सुरुवातीला न्यूझीलंडची 70 धावांत पाच बाद अशी बिकट अवस्था झाली होती; मात्र त्यानंतर हेन्री निकोल्स आणि ग्लेन फिलिप्स यांनी सहाव्या विकेट्ससाठी 216 धावांची दमदार भागीदारी करत संघाला सावरले.

फिलिप्सने 216 चेंडूंत 118 धावांची खेळी खेळली, तर निकोल्सने शेवटपर्यंत एकाकी झुंज देत नाबाद 175 धावांची दमदार खेळी खेळली. दुसऱ्या दिवशी पाच बाद 243 धावांवरुन पुढे खेळताना न्यूझीलंडच्या तळाच्या फलंदाजांना भारतीय गोलंदाजांनी फारसा निभाव लागू दिला नाही.

भारतीय गोलंदाजीचा कणा ठरलेल्या जसप्रीत बुमराहने (Jasprit Bumrah) सर्वाधिक चार विकेट्स घेतल्या, तर आकाशदीपने तीन, अंशुल कंबोजने दोन आणि प्रसिद्ध कृष्णाने एक गडी बाद केला. दुसऱ्या सत्रात प्रसिद्धने नॅथन स्मिथला (14), आकाशदीपने काइल जेमिसनला (11) आणि बुमराहने मॅट हेन्रीला (1) बाद केले. अखेरीस अंशुल कंबोजने जेकब डफीचा बळी घेत न्यूझीलंडच्या पहिल्या डावाची सांगता केली. एकंदरीत वेलिंग्टनच्या खेळपट्टीवर भारतीय वेगवान गोलंदाजांचा दबदबा पुन्हा एकदा अधोरेखित झाला.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Voyager 1 One Light Day: विज्ञानाचे तंत्रज्ञान वापरतो, पण वैज्ञानिक दृष्टिकोन स्वीकारतो का?

IFFI Film Festival: भाषा, देश अन् संस्कृतीच्या सीमा ओलांडणारा सिनेमा; चला, जाऊ 'सीमाविरहित कथां'च्या जगात!

Bicholim Group Clash: धावस्करवाडा-कारापूरमध्ये दोन गटांत तुफान राडा; 7 जखमी, आठ दुचाकींची तोडफोड

PF खातेधारकांसाठी आनंदाची बातमी! निवृत्तीवर SWP सुविधा, बेरोजगारीवर 2 महिन्यांचा नियम आणि 10 टक्के बॅलेन्स मर्यादा; ईपीएफओचे नवे नियम लागू

Child Abuse Case: कळंगुटमध्ये 5 वर्षांच्या चिमुरडीवर लैंगिक अत्याचार; 11 वर्षीय मुलाविरुद्ध गुन्हा

SCROLL FOR NEXT