भारताच्या सात्विकसाईराज रंकिरेड्डी आणि चिराग शेट्टी यांच्या जोडीने फ्रेंच ओपन 2024 बॅडमिंटन स्पर्धेचे पुरुष दुहेरीचे विजेतेपद जिंकले. पॅरिसमध्ये झालेल्या अंतिम सामन्यात त्यांनी रविवारी तैवानच्या ली झे-हुई आणि यांग पो हुआन या जोडीला पराभूत केले.
दरम्यान, सात्विक आणि चिराग यांचे हे 2024 मधील पहिले विजेतेपद आहे. यावर्षी त्यांनी इंडिया ओपन आणि मलेशिया ओपनमध्ये उपविजेतेपद मिळवले होते.
तसेच फ्रेंच ओपन बॅडमिंटन स्पर्धेतील त्यांचे हे दुसरे विजेतेपद आहे. यापूर्वी 2022 साली देखील त्यांनी या स्पर्धेत विजेतेपदाला गवसणी घातली होती. तसेच 2019 मध्ये सात्विक आणि चिराग यांच्या जोडीने फ्रेंच ओपन स्पर्धेत उपविजेतेपद मिळवले होते.
दरम्यान रविवारी जागतिक क्रमवारीत अव्वल क्रमांकावर असलेल्या सात्विक आणि चिराग यांच्या जोडीने ली आणि यांग जोडीला अंतिम सामन्यात अवघ्या ३७ मिनिटात पराभूत केले. भारतीय जोडीने तैवानच्या या जोडीला 21-11, 21-17 अशा दोनच सरळ गेममध्ये पराभूत केले.
पहिल्या गेममध्ये तर त्यांनी पूर्ण वर्चस्व ठेवले होते. परंतु दुसऱ्या सेटमध्ये ली आणि यांगने थोडा प्रतिकार केला. परंतु चिराग आणि सात्विक यांनी त्यांना वरचढ होऊ दिले नाही.
सात्विक आणि चिराग यांनी फ्रेंच ओपन 2024 स्पर्धेत उपांत्य फेरीत कोरियाच्या कँग मिन ह्युक आणि सेओ सेउंग जे या जोडीचा 21-13,21-16 अशा फरकाने अवघ्या 40 मिनिटात पराभव केला होता.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.