विराट कोहलीच्या वनडे कारकिर्दीतील हे 45 वे शतक आहे. ब्रेकनंतर कोहली पुनरागमन करत आहे. कोहलीच्या शतकाची सोशल मीडियावर खूप चर्चा होत आहे.
वृंदावनहून परतल्यानंतर कोहलीने शतक झळकावले. एका चाहत्याने ट्विटरवर लिहिले की, विराट कोहलीनंतर (Virat Kohli) आता रोहित शर्मा, केएल राहुल यांनाही बाबा नीम करौली यांच्या आश्रमात जायला आवडेल.
महान फलंदाज सचिन तेंडुलकरच्या (Sachin Tendulkar) 49 शतकांच्या विश्वविक्रमापासून तो आता फक्त चार शतके दूर आहे. कोहलीच्या नावावर आता 73 आंतरराष्ट्रीय शतके आहेत. त्याने कसोटी क्रिकेटमध्ये 27 तर आंतरराष्ट्रीय टी-20मध्ये एक शतक झळकावले आहे.
दुसरीकडे, आपल्या खेळीबाबत विराट म्हणाला की, या सामन्यापूर्वी मला थोडा ब्रेक मिळाला आहे, काही सराव सत्रे झाली आहेत. बांगलादेश दौर्‍यानंतर मी मानसिकदृष्ट्या ताजेतवाने झालो आहे, जिथे दुसऱ्या सहामाहीत माझ्यासाठी नियोजनानुसार गोष्टी घडल्या नाहीत. मी स्पर्धेसाठी खूप उत्सुक होतो.'
विराट कोहलीच्या शानदार शतकावर चाहत्यांनी वेगवेगळ्या प्रतिक्रीया दिल्या आहेत. त्याचबरोबर त्याच्या या शतकाबद्दल सेलिब्रेशनही केलं जात आहे. विशेष म्हणजे, विराटच्या चाहत्यांनी ट्वीट करत टीम इंडियामधील दिग्गज क्रिकेटपटूंना सूचित केलं आहे. जाणून घेऊया त्यांनी ट्वीट करत काय म्हटलं आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.