भारताने T20 मालिकेतील पहिल्या सामन्यात दक्षिण आफ्रिकेवर रोमहर्षक विजय नोंदवला आहे. या सामन्यातील विजयासह कर्णधार रोहित शर्माच्या नावावर एका खास विक्रमाची नोंद झाली. एका वर्षात सर्वाधिक T20 सामने जिंकणारा रोहित भारतीय कर्णधार ठरला आहे. त्याने या माजी कर्णधार महेंद्रसिंग धोनीला मागे टाकले आहे. धोनीने 2016 मध्ये हा विक्रम आपल्या नावावर केला होता.

रोहित शर्माच्या नेतृत्वाखाली टीम इंडियाने (Team India) यावर्षी आतापर्यंत 16 टी-20 आंतरराष्ट्रीय सामने जिंकले आहेत. तर या बाबतीत धोनी दुसऱ्या स्थानावर राहिला आहे. धोनीच्या नेतृत्वाखाली भारतीय संघाने 2016 मध्ये 15 सामने जिंकले. विशेष म्हणजे दक्षिण आफ्रिकेविरुद्ध टी-20 फॉर्मेटमध्ये शतक झळकावणारा रोहित हा भारतीय खेळाडू आहे. भारताकडून केवळ दोन खेळाडूंना ही कामगिरी करता आली आहे.

विशेष म्हणजे, टी-20 मालिकेतील पहिल्या सामन्यात भारताने रोमहर्षक विजयाची नोंद केली. टीम इंडियाचा वेगवान गोलंदाज अर्शदीप सिंगने 3 विकेट घेत दक्षिण आफ्रिकेला अडचणीत आणले. यानंतर आफ्रिकेचा संघ केवळ 106 धावा करू शकला. प्रत्युत्तरात भारताने 16.4 षटकांत सामना जिंकला. पण या सामन्यात रोहितला काही विशेष करता आले नाही. तो खाते न उघडताच बाद झाला. भारताकडून केएल राहुल आणि सूर्यकुमार यादव यांनी नाबाद अर्धशतके झळकावली.