IND vs NZ: team India will win today Dainik Gomantak
क्रीडा

IND vs NZ: टीम इंडिया सज्ज, वानखेडेवर किवी आज होणार चितपट

भारताने किवींसमोर 540 धावांचे मोठे लक्ष्य ठेवले आणि मुंबईच्या खेळपट्टीचा विचार करता ही धावसंख्या गाठणे जवळजवळ अशक्य आहे.

दैनिक गोमन्तक

मुंबई कसोटीच्या (IND vs NZ) तिसर्‍या दिवशी टीम इंडियाची स्थिती अधिकच मजबूत झाली आहे आणि आता भारताचा विजय जवळपास निश्चित दिसत आहे. खेळाच्या तिसऱ्या दिवशी, भारताने (Team India) किवींसमोर 540 धावांचे मोठे लक्ष्य ठेवले आणि मुंबईच्या खेळपट्टीचा विचार करता ही धावसंख्या गाठणे जवळजवळ अशक्य आहे. तर दुसरीकडे न्यूझीलंडने दुसऱ्या डावात 5 विकेट गमावल्या आहेत. न्यूझीलंडने टॉम लॅथम, विल यंग, ​​रॉस टेलर आणि डॅरेल मिशेल यांच्या विकेट्स गमावल्या. अश्विनने (Ravichandran Ashwin) 3 तर अक्षर पटेलला (Axar Patel) एक विकेट मिळाली. तर टॉम ब्लंडेल शून्यावर धावबाद झाला. डॅरेल मिशेलने दुसऱ्या डावात शानदार अर्धशतक ठोकले आहे. भारताने आपला दुसरा डाव 7 गडी बाद 276 धावांवर घोषित केला. भारताने पहिल्या डावात 325 धावा केल्या होत्या, त्याला प्रत्युत्तरात न्यूझीलंडचा डाव 62 धावांवर आटोपला.(IND vs NZ: team India will win today)

भारताने दुसऱ्या डावात आक्रमक फलंदाजी केली. दुसऱ्या डावात सलामीवीर मयंक अग्रवालने 108 चेंडूत 62 धावा केल्या. तर चेतेश्वर पुजाराने 97 चेंडूत 47 धावा पूर्ण केल्या , शुभमन गिल 75 चेंडूत 47 अक्षर पटेल 26 चेंडूत नाबाद 41आणि कर्णधार विराट कोहलीने आपल्या ३४ धावा 84 चेंडूत पूर्ण केल्या आहेत. न्यूझीलंडकडून पहिल्या डावात 119 धावांत सर्व 10 बळी घेणारा फिरकीपटू एजाज पटेलने दुसऱ्या डावात 106 धावांत चार बळी घेतले, तर रचिन रवींद्रने 56 धावांत तीन बळी घेतले. पटेलने या सामन्यात 225 धावा देत 14 विकेट घेतल्या. भारतातील कोणत्याही परदेशी गोलंदाजाची ही सर्वोत्तम कामगिरी आहे.

एजाज पटेलने 10 बळी घेतल्यानंतरही न्यूझीलंडच्या गोलंदाजांचा आत्मविश्वास डळमळीत झाला. भारताकडून 70 षटकात 25 चौकार आणि 11 षटकार मारले गेले. कालच्या सामन्यात ऋद्धिमान साहा वगळता प्रत्येक भारतीय फलंदाजाने षटकार मारला आहे . अक्षर पटेलने एकट्याने झंझावाती खेळीत तीन चौकार आणि चार षटकार ठोकले. श्रेयस अय्यरने 8 चेंडूत 14 धावांच्या खेळीत दोन षटकार ठोकले आहेत.

तर न्यूझीलंडच्या फलंदाजीचा विचार करता दुसऱ्या डावात न्यूझीलंडला त्यांच्या वरिष्ठ फलंदाजांकडून चांगल्या कामगिरीची अपेक्षा होती पण टॉम लॅथम आणि रॉस टेलरने निराशा केली. दोघेही 6-6 धावा करून बाद झाले. विल यंगने 20 धावा केल्यानंतर विकेटवर टिकून राहण्याचा प्रयत्न केला पण अश्विनने त्याचा खेळ संपवला. यानंतर मिशेल आणि हेन्री निकोल्समध्ये 73 धावांची भागीदारी झाली पण ही जोडी अक्षर पटेलने तोडली. टॉम ब्लंडेल झटपट धावबाद झाल्याने न्यूझीलंडने 5 वी विकेट गमावली. दिवसाचा खेळ संपेपर्यंत रचिन रवींद्र आणि हेन्री निकोल्स क्रीजवर होते. दोघांमध्ये 49 चेंडूत 11 धावांची भागीदारी झाली आहे. भारताला आता चौथ्या दिवशी विजयासाठी 5 विकेट्स काढायच्या आहेत.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Rajat Patidar Century: 13 षटकार, 8 चौकार, 281 चा स्ट्राईक रेट! तडाखेबंद शतक ठोकून रजत पाटीदारने रचला नवा इतिहास; गोलंदाजांची उडवली झोप

मुंबईत रंगला 'गली क्रिकेट'चा थरार! प्रिन्स विल्यम आणि केट मिडलटनला क्रिकेटच्या देवाने दिले फलंदाजीचे धडे; व्हिडिओ तूफान व्हायरल

India vs Pakistan: पुन्हा एकदा रंगणार भारत-पाक महामुकाबला! हिसाब चुकता करण्यास टीम इंडिया सज्ज; हाय-व्होल्टेज लढतीकडे क्रिकेटप्रेमींचं लक्ष

Goa Politics: मांद्रेत आरोलकरांना मुख्यमंत्र्यांकडून बळ, विकासकामांचं केलं तोंडभरुन कौतुक; 2027 मध्ये जीत पुन्हा विक्रमी मतांनी निवडून येतील

VIDEO: पाकड्यांनी पुन्हा कॉपी केला भारतीय शो! समय रैनाच्या 'इंडियाज गॉट लेटेंट'नंतर आता 'पाकिस्तान गॉट लेटेंट'ची चर्चा; राखी सावंतच्या एन्ट्रीनं वेधलं लक्ष

SCROLL FOR NEXT