IND vs NZ Daryl Mitchell Six: एकदिवसीय विश्वचषक 2023 चा पहिला उपांत्य सामना भारत आणि न्यूझीलंड यांच्यात खेळला जात आहे. या सामन्यात नाणेफेक जिंकून प्रथम फलंदाजी करताना भारतीय संघाने धावांचा डोंगर उभारला.

दरम्यान, न्यूझीलंडच्या स्टार फलंदाजाने श्रेयस अय्यरचा मोठा विक्रम मोडला. आजच्या सामन्यापूर्वी जगातील सर्वात लांब षटकार ठोकण्याचा विक्रम भारतीय खेळाडू श्रेयस अय्यरच्या नावावर होता. अय्यरने 106 मीटरमध्ये षटकार मारला होता.

आता किवी फलंदाजाने हा विक्रम मोडला आहे. न्यूझीलंडचा दिग्गज खेळाडू डॅरिल मिशेलने श्रेयस अय्यरचा विक्रम मोडला आहे.

दरम्यान, डॅरिल मिचेलने रवींद्र जडेजाच्या (Ravindra Jadeja) चेंडूवर इतका लांब षटकार मारला की चेंडू थेट स्टेडियमच्या वरच्या भागाला लागला. चेंडू वरच्या मजल्यावर आदळला आणि खाली पडला. हा षटकार पाहून क्रिकेट फॅनही अवाक झाले.

तुम्हाला हे जाणून आश्चर्य वाटेल की, हा षटकार 107 मीटरचा होता. या षटकारासह जगातील सर्वात लांब षटकार मारण्याचा विक्रम डॅरिल मिशेलच्या नावावर झाला आहे.

दुसरीकडे, श्रेयस आता कोणत्याही विश्वचषक सामन्यात सर्वाधिक षटकार मारणारा भारतीय फलंदाज बनला आहे. श्रेयसने सौरव गांगुली आणि युवराज सिंगला मागे सोडले, ज्यांनी प्रत्येकी 7 षटकार ठोकले होते. एवढेच नाही तर सेमीफायनलमध्ये भारतासाठी (India) सर्वात मोठी धावसंख्या बनवण्याच्या बाबतीत श्रेयस दुसऱ्या क्रमांकावर पोहोचला आहे.

श्रेयस अय्यरने सौरव गांगुलीला मागे टाकले. गांगुलीने 2003 मध्ये केनियाविरुद्धच्या उपांत्य फेरीच्या सामन्यात 111 धावा केल्या होत्या. वर्ल्ड कप सेमीफायनलमध्ये सर्वाधिक धावा करण्याचा विक्रम विराट कोहलीच्या नावावर आहे. कोहलीने आज (15 नोव्हेंबर) हा विक्रम केला आहे.