Imam Ul Haq Private Chats Leak: पाकिस्तान संघाचा स्टार सलामीवीर इमाम उल हक पुन्हा एकदा अडचणीत सापडला आहे. उल हकचे पुन्हा एकदा प्रायव्हेट चॅट सोशल मीडियावर लीक झाले आहे. या चॅटमध्ये तो एका महिलेशी बोलताना दिसत आहे.

हे संपूर्ण प्रकरण त्याच्या लग्नाआधीच उघडकीस आल्याने खळबळ उडाली आहे. इमामचा विवाह 25 नोव्हेंबर रोजी होणार असून त्याआधी या डावखुऱ्या फलंदाजाच्या चॅट लीक प्रकरणाने खळबळ उडवून दिली आहे.

दरम्यान, 27 वर्षीय इमाम-उल-हकचा विवाह सोहळा शनिवारी होणार असून त्याच्या एका दिवसानंतर त्याचे रिसेप्शन होणार आहे. भारतात (India) नुकत्याच पार पडलेल्या ICC ODI विश्वचषक 2023 मध्ये तो पाकिस्तान संघाचा भाग होता, जिथे संघ लीग टप्प्यातच बाहेर पडला.

इमामला 6 डावात संधी मिळाली, पण तो एका अर्धशतकासह केवळ 162 धावा करु शकला. ऑस्ट्रेलियात होणाऱ्या कसोटी मालिकेसाठी त्याची संघात निवड झाली आहे.

दुसरीकडे, इमामसोबत असे घडण्याची ही दुसरी घटना आहे. 2019 मध्ये एका महिलेने त्याच्यावर एकाच वेळी तिच्यासह इतर अनेक महिलांसोबत (Women) अफेअर असल्याचा आरोप केला होता. तिने इमामसोबतचे व्हॉट्सअॅप चॅटही सोशल मीडियावर लीक केले होते.

त्यानंतर महिलेने दावा केला होता की, इमाम उल हकसोबतच्या घटना 6 महिन्यांच्या कालावधीत घडल्या होत्या, ज्यामध्ये इंग्लंडमध्ये 2019 च्या विश्वचषकाचाही समावेश होता.

यापूर्वी, पाकिस्तान क्रिकेट संघाचे चेअरमन झाका अश्रफ यांनीही बाबर आझमचे चॅट टीव्हीवर लीक केले होते. यावरुन बराच गदारोळ झाला होता, कारण तो संघाचा कर्णधार होता. मात्र, तो आता संघाचा कर्णधार नाही. त्याला तिन्ही फॉरमॅटमध्ये फक्त फलंदाज म्हणून संधी मिळेल.