KL Rahul PTI
क्रीडा

'...लोक विसरू देत नाही', IND vs ENG सामन्यापूर्वी लखनऊमधील आठवणींनी KL राहुल भावूक

KL Rahul: वर्ल्डकप 2023 मध्ये इंग्लंडविरुद्धच्या सामन्यापूर्वी केएल राहुलने लखनऊमधील आठवणींबद्दल भाष्य केले आहे.

Pranali Kodre

ICC ODI Cricket World Cup 2023, India vs England, KL Rahul on Lucknow Memories:

भारत विरुद्ध इंग्लंड संघात वनडे वर्ल्डकप 2023 स्पर्धेतील सामना रविवारी (29 ऑक्टोबर) होणार आहे. हा सामना दुपारी 2 वाजता लखनऊमधील भारतरत्न श्री अटल बिहारी वाजपेयी एकाना क्रिकेट स्टेडियमवर होणार आहे. दरम्यान, या सामन्यापूर्वी भारताचा यष्टीरक्षक फलंदाज केएल राहुलने या मैदानावर भाष्य केले आहे.

खरंतर केएल राहुल आयपीएलमधील लखनऊ सुपर जायंट्स संघाचा कर्णधार आहे. त्यामुळे लखनऊमधील एकाना स्टेडियम हे या संघाचे घरचे मैदान आहे. त्यामुळे यंदा देखील या संघाने आयपीएलमधील सामने या स्टेडियममध्ये खेळले. मात्र, केएल राहुल ज्यावेळी या मैदानावर यापूर्वी अखेरचा सामना खेळला, त्यावेळीची त्याची आठवण फारशी चांगली नव्हती.

तो आयपीएल 2023 स्पर्धेत रॉयल चॅलेंजर्स बेंगलोर संघाविरुद्ध 1 मे रोजी या मैदानावर खेळताना दुखापतग्रस्त झाला होता. त्याला झालेल्या हॅमस्ट्रिंगच्या दुखावतीमुळे त्याला शस्त्रक्रियाही मांडीवर करून घ्यावी लागली, ज्यामुळे तो बरेच महिने क्रिकेटपासून दूर राहिला होता.

याच आठवणीबद्दल इंग्लंडविरुद्धच्या सामन्यापूर्वी पत्रकार परिषदेमध्ये शनिवारी केएल राहुल बोलत होता. त्याने म्हटले की 'मला विसरायचे आहे, पण लोक मला त्या गोष्टी विसरू देत नाहीत.'

तो पुढे म्हणाला, 'काल मी मैदानावर आलो, या मैदानावरील माझी शेवटची आठवण अशी की मी खाली पडलो आणि स्वत:ला दुखापत करून घेतली. आशा आहे की मी त्या गोष्टी मागे सोडेल आणि मी काही चांगल्या आणि आनंदी आठवणी बनवून झालेल्या गोष्टी विसरेल.'

'मला जी दुखापत झालेली, त्यामुळे मला खेळापासून चार-पाच महिने दूर राहावे लागले. तो खूप कठीण होता. ज्याला कोणाला दुखापत झाली असेल, त्याला विचारा. जेव्हा शस्त्रक्रियेनंतर तुम्हाला पुनरागमन करायचे असते, तेव्हा खूप मेहनत घ्यावी लागते, संयम ठेवावा लागतो. तुम्हाला अशा गोष्टींमधून जावे लागते, ज्या सोप्या नसतात.'

दरम्यान, केएल राहुलने या दुखापतीनंतर शानदार पुनरागमन केले आहे. तो सध्या वर्ल्डकप 2023 मध्ये देखील चांगला खेळ करत असून तो 5 सामन्यांपैकी फक्त एकदाच बाद झाला आहे. त्याने 177 च्या सरासरीने 177 धावा केल्या आहेत. नाबाद 97 धावा ही त्याची सर्वोत्तम कामगिरी आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Bird Flu Vaccine: बर्ड फ्लूविरुद्ध भारताने बनवली स्वदेशी लस; 20 नोव्हेंबरला होणार लाँच

Quad Summit 2026: 'क्वाड' हिंद-प्रशांतचा विश्वासार्ह भागीदार; मोदींचा सागरी सुरक्षा, तंत्रज्ञान अन् सहकार्यावर भर

ICC ODI Batting Rankings: वनडे रँकिंगमध्ये मोठा फेरबदल! शुभमन गिल आणि विराट कोहलीची बादशाहत कायम, रोहित-श्रेयसला झटका

Kendra Drishti Yog 2026: भाग्य उजळणार संयोग! सूर्य-गुरुच्या केंद्र दृष्टीने 5 राशींना मिळणार अफाट संपत्ती; आर्थिक लाभाची पर्वणी

IPL Auction Date: BCCI कडून IPL 2027 ऑक्शनची तारीख जाहीर, 16 डिसेंबरला गोव्यात खेळाडूंवर लागणार कोटींची बोली; पैशांचा पडणार पाऊस

SCROLL FOR NEXT