Indian Super League Final 2022-23 To Be Heald In Goa: हिरो इंडियन सुपर लीगने अंतिम सामन्यासाठी गोव्याची निवड केली आहे. याबाबतची घोषणा हिरो आयएसएलने आज केली.

गोव्यातील फातोर्डा येथील पंडीत जवाहरलाल नेहरु या मैदानावर हा अंतिम सामना होणार आहे. हिरो आयएसएलचे प्लेऑफ सामने 3 मार्चपासून सुरू होणार आहेत.

हिरो आयएसएलचा 2022-23 मोसम रोमांचक ठरला असून प्लेऑफसाठी अनेक संघांमध्ये चुरशीची लढत होत आहे. हिरो आयएसएल प्लेऑफचे सामने 3 मार्चपासून सुरू होतील आणि अंतिम सामना 18 मार्च रोजी खेळला जाणार आहे.

प्रशिक्षणासाठी उपलब्ध मैदान व पायाभूत सुविधांमुळे गोव्यातील मैदानाची निवड करण्यात आली आहे. मुंबई सिटी एफसीने लीग शिल्ड जिंकली आहे.

हैदराबाद एफसी, एटीके मोहन बागान, बेंगळुरू एफसी आणि केरळ ब्लास्टर्स एफसी आधीच प्लेऑफसाठी पात्र ठरले आहेत. तर ओडिशा एफसी आणि एफसी गोवा यांचे भवितव्य टांगणीला लागले आहे कारण संघ लीग टप्प्यातील शेवटच्या सामन्यात पोहोचले आहेत.