Abhinandan Thakur Dainik Gomantak
क्रीडा

Vinoo Mankad Trophy: गोव्याची पोरं लयचं भारी! अभिनंदनचा सोनेरी 'जलवा'

Vinoo Mankad Trophy: गोव्याच्या 19 वर्षांखालील मुलांच्या क्रिकेट संघाने विनू मांकड करंडक एकदिवसीय क्रिकेट स्पर्धेत शनिवारी दणदणीत विजय नोंदविला.

किशोर पेटकर

पणजी: गोव्याच्या 19 वर्षांखालील मुलांच्या क्रिकेट संघाने विनू मांकड करंडक एकदिवसीय क्रिकेट स्पर्धेत शनिवारी दणदणीत विजय नोंदविला. त्यांनी क गट लढतीत मेघालयावर आठ विकेट राखून मात केली. सामना पुण्यातील डी. वाय. पाटील अकादमी मैदानावर झाला.

दरम्यान, गोव्याने (Goa) नाणेफेक जिंकून मेघालयास प्रथम फलंदाजीस पाचारण केले. मृणाल दास (५३) व कर्णधार भाराली (६५) यांच्या अर्धशतकांमुळे मेघालयास १०८ धावांची दमदार सलामी मिळाली. मात्र नंतर अभिनंदन ठाकूरच्या (Abhinandan Thakur) प्रभावी डावखुऱ्या फिरकीमुळे गोव्याने सामन्याचे पारडे फिरवले. अभिनंदनच्या गोलंदाजीवर यष्टिरक्षक जीवनकुमार चित्तेम याने मृणालला यष्टिचीत बाद केल्यानंतर मेघालयास (Meghalaya) धावगती वाढविता आली नाही. अभिनंदनने चार गडी बाद करत त्यांना ७ बाद १८० धावांत रोखले.

दुसरीकडे, अर्धशतकवीर देवनकुमार चित्तम (५५) याचे अर्धशतक, तसेच सनथ नेवगी (४२) व कर्णधार दीप कसवणकर (३२) यांच्या दमदार फलंदाजीच्या बळावर गोव्याने ३३.२ षटकांत २ बाद १८१ धावा करून सामना जिंकला. देवनकुमार व त्याचा सलामीचा साथीदार शोएब शेख यांना फलंदाजी करताना दुखापत झाल्यामुळे निवृत्त व्हावे लागले.

संक्षिप्त धावफलक

मेघालय ः ५० षटकांत ७ बाद १८० (मृणाल दास ५३, भाराली ६५, शाव्हियन ३६, पुंडलिक नाईक ७-०-३८-०, प्रज्ञेश गावकर ८-०-३१-०, नमेश काणकोणकर ९-०-३२-१, दीप कसवणकर १०-२-२७-०, अभिनंदन ठाकूर १०-०-३५-४, देवनकुमार चित्तेम ६-०-१६-१) पराभूत वि. गोवा ः ३३.२ षटकांत २ बाद १८१ (देवनकुमार चित्तेम जखमी निवृत्त ५५, शोएब शेख जखमी निवृत्त २६, आर्यन नार्वेकर ७, सनथ नेवगी ४२, दीप कसवणकर नाबाद ३२, वर्धन मिस्कीन नाबाद १२, भारत १-२६, राघव १-४४).

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Donald Trump: आम्ही रशियासह भारतालाही गमावले! राजनैतिक संबंध विकोपाला गेल्याची ट्रम्प यांनी व्यक्त केली खंत

Horoscope today: अनंत चतुर्दशी 2025, बाप्पाचा 'या' 4 राशींवर राहील आशिर्वाद; आर्थिक आणि कौटुंबिक जीवनात समृद्धी मिळेल

BITS Pilani: उलटीमुळे श्‍‍वास गुदमरून झाला मृत्‍यू, तणावाखालील ऋषीला नव्हता 'बिट्स'चा आधार; पेशंट स्वतःहून उपचारासाठी आला नाही, ही सबब पुढे

Goa: पाण्‍याचा जितका वापर, तितकेच शुल्‍क; पेयजल विभागाची अधिसूचना जारी, घरगुती ग्राहकांना बिलात सवलत

Goa Education: एकशिक्षकी शाळांचा प्रश्न सुटणार; सरकारी शाळांना अतिरिक्त शिक्षक पुरविले जाणार, CM सावंतांची घोषणा

SCROLL FOR NEXT