Fatorda: लुईस बार्रेटो व कॅविन लोबो या गोव्यातील आंतरराष्ट्रीय दर्जाच्या फुटबॉलपटूंनी (International level Footballer) राज्यात (Goa State) फुटबॉलच्या सर्वांगीण विकासासाठी साऊथ गोवा युनायटेड अकादमीची (South Goa United Academy) स्थापना केली. आज नुवे (Nuvem) येथे या अकादमीची रितसर स्थापना करण्यात आली. या अकादमीमध्ये सर्वच जण फुटबॉलकडे (Goa Football) अगदी निगडीत असुन टेरेन्स लोबो हे या अकादमीचा अध्यक्ष, लुईस बार्रेटो सचिव, कॅविन लोबो संयुक्त सचिव तर ब्लिंनिका कुलासो खजिनदार आहेत. नुवे येथील एम्पायर स्पोर्टस एरेनामध्ये 50 लाख रुपये खर्चुन एस्ट्रो टर्फ फुटबॉलचे मैदान तयार केले असुन फुटसालसाठीही त्याचा उपयोग होणार आहे. या अकादमीत 6 ते 16 वयोगटातील युवा खेळाडुंना सर्व आधुनिक सोयीसुविधा (Sophisticated amenities) तसेच आधुनिक तंत्रज्ञानाचा (Modern technology) वापर करुन, शिस्तबद्ध व वैज्ञानिक पद्धतीचे प्रशिक्षण दिले जाईल (Disciplined and scientific training). अकादमीचे प्रमुख प्रशिक्षक म्हणुन माजी नायजेरियन खेळाडू तसेच प्रशिक्षक क्लिफर्ड चुकवुमा यांची नियुक्ती करण्यात आली आहे. आपण जे फुटबॉलमध्ये शिकलो, अनुभवलो त्याची परतफेड करतान युवा खेळडूंना सर्वोत्तम दर्जा प्राप्त करुन देण्यासाठी या अकदमीची स्थापना करण्यात आल्याचे लुईस व कॅविन यांनी सांगितले.

खेळाडूंबरोबरच राज्यातील प्रशिक्षकांनाही (State Coach) प्रशिक्षण दिले जाईल तसेच त्यांना आपले मानांकन वाढविण्यासाठी जे सहकार्य लागेल ते दिले जाईल असे अकादमीचे माजी फुटबॉलपटू बिबियान फर्नांडिस यानी सांगितले. गोवा फुटबॉल असोसिएशनकडील नोंदणी प्रक्रिया पुर्ण झाल्यावर या अकादमीचे संघ विविध वयोगटातील स्पर्धांमध्येही भाग घेतील. भारतात फुटबॉलची (India Football) प्रगती होत आहे. देशातील इतर राज्यांपेक्षाही गोव्यात फुटबॉलचा दर्जा चांगला आहे. अकादमीतील युवा खेळाडुंना योग्य प्रशिक्षण देऊन त्यांना उच्च स्तरावर नेण्यासाठी मी वचनबद्ध असल्याचे मुख्य प्रशिक्षक क्लिफर्ड चुकवुमा याने सांगितले. अजुन पर्यंत प्रशिक्षणाचा कार्यक्रम निश्र्चित केलेला नाही तरी अकादमीमध्ये संपुर्ण गोव्यातील 200 ते 250 खेळडूंना सामावुन घेतले जाईल व आठवड्यांतुन तीन वेळा त्यांना प्रशिक्षण दिले जाईल. या प्रशिक्षणासाठी 8, 10, 12, 14 व 16 वर्षाखालील मुलांना प्राधान्य दिले जाईल असे चुकवुमा याने सांगितले. अकादमी स्थापना सोहळ्यास लुईस बार्रेटो व कॅविन लोबो व्यतिरिक्त तेरेन्स लोबो, ब्लिनिका कुलासो, विवेक दा वेगा, ज्योकीम आब्रांचीस हे खेळाडु उपस्थित होते.