Yashasvi Jaiswal Rohit Sharma Dainik Gomantak
क्रीडा

IND vs WI: रोहित-जयस्वालची ऐतिहासिक भागीदारी! नव्वद वर्षांच्या इतिहासात पहिल्यांच झाला 'हा' पराक्रम

WI vs IND, 1st Test: रोहित शर्मा आणि यशस्वी जयस्वालने पहिल्या डावात केलेली द्विशतकी भागीदारी ऐतिहासिक ठरली.

Pranali Kodre

West Indies vs India, 1st Test, Yashasvi Jaiswal-Rohit Sharma historical Double Hundred Partnership : 

भारत विरुद्ध वेस्ट इंडिज संघात बुधवारपासून दोन सामन्यांच्या कसोटी मालिकेतील पहिला सामना डॉमिनिकामधील रोसौ येथील विंडसर पार्क येथे खेळला जात आहे. या सामन्यात भारताचे सलामीवीर यशस्वी जयस्वाल आणि रोहित शर्मा यांनी शतकी खेळी केली. याबरोबरच त्यांची भागीदारीही ऐतिहासिक ठरली.

या सामन्यात वेस्ट इंडिजचा पहिला डाव 65 षटकांच्या आतच 150 धावांवर संपुष्टात आल्यानंतर भारताकडून पहिल्या डावात रोहित आणि जयस्वाल यांनी भारताला दमदार सुरुवात दिली. या दोघांनी शतके साजरी करण्याबरोबरच द्विशतकी भागीदारी केली होती. त्यांनी पहिल्या विकेटसाठी 229 धावांची भागीदारी केली.

त्यामुळे भारताने पहिली विकेट गमावण्यापूर्वीच पहिल्या डावात 79 धावांची आघाडी घेतली होती. त्याचमुळे जयस्वाल आणि रोहितच्या भागीदारीने मोठा इतिहास घडवला आहे. भारताच्या 90 वर्षांच्या क्रिकेट इतिहासात पहिल्यांदाच असे झाले की भारतीय संघाने एकही विकेट न गमावता पहिल्या डावात आघाडी घेतली. यापूर्वी असे कधीही झाले नव्हते.

तसेच वेस्ट इंडिजविरुद्ध भारतीय सलामीवीरांनी केलेली ही सर्वात मोठी भागीदारीही ठरली आहे.

या सामन्यात रोहित बाद झाल्याने सलामीची द्विशतकी भागीदारी तुटली. रोहितला 221 चेंडूत 103 धावांवर एलिक अथानाझने बाद केले. त्यानंतर भारताने शुभमन गिलची विकेटही लगेचच गमावली. त्याला 6 धावांवर जोमेल वॉरिकनने बाद केले.

असे असतानाही जयस्वालने त्याची लय कायम ठेवत फलंदाजी केली. त्याला विराट कोहलीनेही चांगली साथ दिली. त्यामुळे भारताने दुसऱ्या दिवसाखेर पहिल्या डावात 113 षटकात 2 बाद 312 धावा केल्या आहेत. त्यामुळे भारतीय संघ 162 धावांनी आघाडीवर आहे. भारताकडून दुसऱ्या दिवसाखेर सलामीवीर यशस्वी जयस्वाल 143 धावांवर आणि विराट कोहली 36 धावांवर नाबाद आहे.

जयस्वालला मोठ्या विक्रमाची संधी

जयस्वल 143 धावांवर नाबाद असल्याने त्याला आता एका मोठ्या विक्रमाची संधी आहे. हा त्याचा पहिलाचा कसोटी सामना आहे. त्यामुळे जर त्याने या सामन्यात द्विशतकाला गवसणी घातली, तर तो असा पहिलाच भारतीय खेळाडू ठरेल, जो पदार्पणाच्या कसोटीत द्विशतक करेल.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Rajat Patidar Century: 13 षटकार, 8 चौकार, 281 चा स्ट्राईक रेट! तडाखेबंद शतक ठोकून रजत पाटीदारने रचला नवा इतिहास; गोलंदाजांची उडवली झोप

मुंबईत रंगला 'गली क्रिकेट'चा थरार! प्रिन्स विल्यम आणि केट मिडलटनला क्रिकेटच्या देवाने दिले फलंदाजीचे धडे; व्हिडिओ तूफान व्हायरल

India vs Pakistan: पुन्हा एकदा रंगणार भारत-पाक महामुकाबला! हिसाब चुकता करण्यास टीम इंडिया सज्ज; हाय-व्होल्टेज लढतीकडे क्रिकेटप्रेमींचं लक्ष

Goa Politics: मांद्रेत आरोलकरांना मुख्यमंत्र्यांकडून बळ, विकासकामांचं केलं तोंडभरुन कौतुक; 2027 मध्ये जीत पुन्हा विक्रमी मतांनी निवडून येतील

VIDEO: पाकड्यांनी पुन्हा कॉपी केला भारतीय शो! समय रैनाच्या 'इंडियाज गॉट लेटेंट'नंतर आता 'पाकिस्तान गॉट लेटेंट'ची चर्चा; राखी सावंतच्या एन्ट्रीनं वेधलं लक्ष

SCROLL FOR NEXT