टीम इंडियाचा (Team India) माजी कर्णधार आणि स्टार क्रिकेटर महेंद्रसिंग धोनीने (MS Dhoni) गेल्या वर्षीच आंतरराष्ट्रीय क्रिकेटला निरोप दिला आहे. धोनी सध्या मुंबईत आहे आणि काही जाहिरातींचे शुटिंग करतो आहे. फराह खानला (Farah khan) त्याच्या एका शूटचे दिग्दर्शन करण्याची जबाबदारी मिळाली. या शूटिंग दरम्यान फराह खानने धोनीबरोबर इंस्टाग्रामवर एक फोटो शेअर केला आहे. हा फोटो शेअर करताना फराहने सांगितले की तीसुद्धा या दिग्गज क्रिकेटरची फॅन आहे. बॉलिवूड अभिनेता रणवीर सिंहनेही फराहनच्या व्हायरल होत असलेल्या या फोटोवर भाष्य केले आहे. या अ‍ॅड शूटच्या वेळी धोनी भारताच्या रेट्रो टीम जर्सीमध्ये दिसला. (Farah khan praises MS Dhoni for this reason)

धोनीबरोबर फोटो शेअर करताना फराहने लिहिले की, "धोनीच्या एका अ‍ॅड शूटला डायरेक्ट केले. तो एक खूप चांगला व्यक्ती आहे एकदम पंक्चुअल आहे. तो अजूनही मातीशी जुळला आहे. धोनी चेहऱ्यावर एक स्माइल देत सगळ्यांशी फोटो काढतो. एवढच नाही तर तो एखाद्या स्पॉटबॉय सोबतही छान स्माइल देत फोटो क्लिक करतो. म्हणूनच मी त्याची फॅन आहे. हा फोटो सुद्धा डब्बू रत्नानी यांनी घेतला आहे."

फराहच्या या फोटोवर रणवीर सिंगने कमेंटमध्ये 'धोनी बेस्ट आहे' असे लिहिले आहे. त्याच्या एक दिवस आधी रणवीर सिंगने इंस्टाग्राम स्टोरीच्या माध्यमातून धोनीबरोबर एक फोटो शेअर केला होता. चॅरिटी प्रॅक्टीस फुटबॉल सामन्यादरम्यान धोनी आणि रणवीर एकत्र खेळताना दिसले होते.

धोनी बेंचवर आणि रणवीर सिंग जमिनीवर बसला होता, हा फोटो शेअर करताना रणवीरने त्याला, 'नेहमीच मोठ्या भावाच्या पायाजवळ.' असे कॅप्शन दिले होते. धोनीची फॅन फॉलोविंग जगभर पसरली आहे. 15 ऑगस्ट 2020 रोजी आंतरराष्ट्रीय क्रिकेटमधून निवृत्ती घेतलेला धोनी लवकरच इंडियन प्रीमियर लीगच्या (IPL) दुसर्‍या टप्प्यात चेन्नई सुपर किंग्ज (CSK) कडून खेळताना दिसणार आहे.