Cricket News  Dainik Gomantak
क्रीडा

धेंपो क्लबने जिंकला बांदोडकर करंडक

टी-20 क्रिकेट: करिमाबादवर सात विकेटने मात; विकास, दिव्यांगची छाप

दैनिक गोमन्तक

पणजी: गोलंदाजांची सुरेख कामगिरी, तसेच कर्णधार स्नेहल कवठणकर याने मुकुल कसाना याच्यासह दिलेली दमदार सलामी या बळावर धेंपो क्रिकेट क्लबने पणजी जिमखान्याच्या बांदोडकर करंडक टी-20 क्रिकेट स्पर्धा जिंकली. अंतिम लढतीत त्यांनी मंगळवारी करिमाबाद क्लबला सात विकेट आणि 12 चेंडू राखून सहजपणे हरविले. (Dhempo Club wins Bandodkar Trophy)

धेंपो क्लबचे अष्टपैलू खेळाडू दिव्यांग हिंगणेकर व विकास सिंग उल्लेखनीय ठरले. विकास सामन्याचा, तर दिव्यांग स्पर्धेचा मानकरी ठरला. करिमाबादचा तुनीष सावकार याला उत्कृष्ट फलंदाज, तर धेंपो क्लबचा अझीम काझी याला उत्कृष्ट गोलंदाजाचा पुरस्कार मिळाला. अंतिम सामना कांपाल येथील भाऊसाहेब बांदोडकर मैदानावर झाला.

बक्षीस वितरणास स्पर्धा पुरस्कर्ते समीर काकोडकर, गोवा क्रिकेट असोसिएशनचे माजी अध्यक्ष चेतन देसाई, पणजी जिमखान्याचे पदाधिकारी राजेश खंवटे, गिरीश पारेख, नरहर ठाकूर, प्रशांत काकोडे, तन्मय खोलकर, सर्फराज खोलकर यांची उपस्थिती होती.

धेंपो क्लबचे वर्चस्व

अझीम काझी (3-29), विकास सिंग (2-18), जगदीश पाटील (2-19), दिव्यांग हिंगणेकर (1- 19) या धेंपो क्लबच्या गोलंदाजांनी टिच्चून मारा करताना करिमाबाद क्लबला 9 बाद 116 असे रोखले. 6 बाद 56 वरून करिमाबाद संघाला मोठी धावसंख्या रचणे अशक्य ठरले. नंतर स्नेहल कवठणकरने (40) मुकुल कसाना (35) याच्या साथीत 10.2 षटकांत 74 धावांची सलामी देत धेंपो क्लबच्या विजयाचा पाया भक्कम केला. विकासने 14 चेंडूंत झटपट नाबाद 19 धावा करून धेंपो क्लबचे विजेतेपद साकार केले.

संक्षिप्त धावफलक

करिमाबाद क्रिकेट क्लब : 20 षटकांत 9 बाद 116 (कश्यप बखले 15, तुनीष सावकार 12, अझान थोटा 10, दीपराज गावकर 22, वेदांत नाईक 11, लक्मेश पावणे नाबाद 21, दिव्यांग हिंगणेकर 1- 19, जगदीश पाटील 2-19, अझीम काझी 3-29, विकास सिंग 2-18) पराभूत वि. धेंपो क्रिकेट क्लब : 18 षटकांत 3 बाद 120 (स्नेहल कवठणकर 40, मुकुल कसाना 35, कीनन वाझ 17, विकास सिंग नाबाद 19, सचिन मिश्रा 3-21)

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

IFFI 2025 चा दिमाखदार समारोप! रजनीकांत, रणवीरच्या उपस्थितीने लावले चार चांद, ‘स्किन ऑफ युथ’ला गोल्डन पिकॉक तर संतोष दवखर यांना 'गोंधळ'साठी 'रौप्य मयूर'

Goa Firing: सत्तरीतील पडोसे गावात पुन्हा गोळीबार! एकाला अटक, एअरगन आणि काडतुसे जप्त; वाळपई पोलिसांकडून पुढील तपास सुरु

PM Modi Goa Speech: "आयुष्याच्या प्रत्येक वळणावर गोव्याच्या भूमीने मला दिशा दिली", PM मोदी असं का म्हणाले? Watch Video

Goa Accident: मुळगावात दुचाकींची समोरासमोर धडक, दोन तरुणांचा मृत्यू; अपघाताची पोलिसांकडून चौकशी सुरु

''गोव्याने केवळ संस्कृतीच जपली नाहीतर...'', गोकर्ण पर्तगाळी मठाच्या योगदानाचे कौतुक करताना PM मोदींनी काढले गौरोद्गार VIDEO

SCROLL FOR NEXT