Super League Football Dainik Gomantak
क्रीडा

Super League Football: धेंपो क्लब विजयासह अग्रस्थानी

सुपर लीग फुटबॉल: कळंगुट असोसिएशनला एका गोलने नमविले

गोमन्तक डिजिटल टीम

Super League Football गौरव काणकोणकर याने पूर्वार्धात नोंदविलेल्या गोलच्या बळावर धेंपो स्पोर्टस क्लबने कळंगुट असोसिएशनला 1-0 फरकाने नमवून गोवा प्रोफेशनल लीग फुटबॉल स्पर्धेच्या सुपर लीग फेरीत अग्रस्थान मिळविले. सामना शनिवारी म्हापसा येथील धुळेर स्टेडियमवर झाला.

सामन्याचा मानकरी ठरलेल्या गौरवने 13 व्या मिनिटास गोल केला. त्यानंतर दोन्ही संघांना गोल करण्याच्या संधी मिळाल्या, परंतु सफलता मिळाली नाही. धेंपो क्लबचा हा 13 सामन्यांतील आठवा विजय ठरला.

त्यांचे आता 26 गुण झाले असून स्पोर्टिंग क्लब द गोवा व साळगावकर एफसी (प्रत्येकी 25) यांच्यावर एका गुणाची आघाडी घेतली आहे. कळंगुटला चौथा पराभव पत्करावा लागला, त्यामुळे 13 लढतीनंतर त्यांचे 19 गुण कायम राहिले.

साळगावकरचा युवा संघ विजयी

दरम्यान, माँत द गिरी मैदानावर झालेल्या आरएफडीएल (रिलायन्स फाऊंडेशन डेव्हलपमेंट लीग) फुटबॉल स्पर्धेत साळगावकर एफसीने चर्चिल ब्रदर्सवर 2-1 फरकाने मात केली. विश्रांतीला दोन्ही संघ 1-1 असे गोलबरोबरीत होते.

सामन्याच्या तिसऱ्याच मिनिटास मार्क कार्व्हालोने साळगावकरला आघाडीवर नेल्यानंतर 22 व्या मिनिटास आलेंत कुलासोने चर्चिल ब्रदर्सला बरोबरी साधून दिली. बदली खेळाडू बेकहॅम डायस याने 71 व्या मिनिटास केलेल्या गोलमुळे साळगावकर एफसीने विजयाचे पूर्ण तीन गुण प्राप्त केले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Shadashtak Yog 2026: सूर्य-चंद्राचा अशुभ योग! 'या' 3 राशींच्या नोकरी-व्यवसायात वाढणार अडचणी; आर्थिक नियोजन कोलमडणार?

Canada Shooting: कॅनडात रक्तरंजित थरार! शॉपिंग स्टोअरबाहेर भारतीय वंशाच्या जोडप्याची हत्या; परदेशात भारतीयांवर हल्ल्यांचे सत्र सुरुच

Maharashtrian Shepu Bhaji: शेपू आवडतो की नावडतो? या भाजीच्या प्रेमात पडाल, अशी आहे चवीची भन्नाट कहाणी

Gossip Culture: गॉसिप्स अर्थात रिकामटेकड्यांच्या उचापती; गोड बोलून गुपिते काढणाऱ्यांपासून सावध राहा!

'आता उठवू सारे रान...' मुलांना मोबाईलच्या विळख्यातून बाहेर काढण्याची वेळ आली!

SCROLL FOR NEXT