Panjim Smart City: ट्रक अडकण्याचा सिलसिला कायम

काही वेळातच हा ट्रक खड्ड्यातून काढण्यात आला
Panjim Smart City
Panjim Smart CityDainik Gomantak

स्मार्ट सिटीची कामे एका बाजूला सुरू आहेत. तर दुसऱ्या बाजूला न्यायालयाने रस्त्याची उंची वाढू नये म्हणून डांबरीकरण करताना सुरुवातीचे थर काढून त्यावर डांबरीकरण करण्यास बजावले आहे.

त्यामुळे मळा परिसरातील रस्त्यावरील डांबरीकरणाचा थर काढून त्यावर नव्याने डांबरीकरण करण्याचे काम सुरू आहे. हे काम करीत असताना काही ठिकाणची जमीन भुसभुशीत असल्याने त्यावरून अवजड वाहन गेल्यास ते रुतून बसत असल्याचा प्रकार शनिवारी दिसून आला.

फोन्ताइन्हेस (मळा) येथील अरुंद रस्त्यावरील जुने डांबरीकरणाचा थर जेसीबीच्या साह्याने काढण्यात आला आहे. त्यावर आता डांबरीकरणाचे काम करत असताना रस्त्याच्या पलिकडे गेलेल्या जलवाहिन्या रस्ता फोडून नेल्या असल्याने हे डांबरीकरण काढताना काही ठिकाणी रस्ता भुसभुशीत झाल्याचे दिसून येते. शनिवारी दुपारी जीए02, टी-5109 हा मालवाहू ट्रकचे ओझ्याने रस्ता खचला. ओझ्यामुळे ट्रकची चालकाच्या मागील बाजूची दोन चाके रस्त्यात खचली.

Panjim Smart City
Goa Accident: करमलघाटात बस व दुचाकीत अपघात, दोन युवती गंभीर जखमी

या मार्गावरील वाहतूक तुरळक प्रमाणात सुरू आहे, अवजड वाहनांना बंदी असली तरी रस्त्याचे काम सुरू असतानाही दुचाकींची ये-जा येथून सुरू आहेच. आज दुपारी मालवाहू ट्रक काम चाललेल्या ठिकाणाहून जात असताना ओझामुळे रस्ता खचला आणि ट्रकची मागाली चार चाके खचलेल्या खड्ड्यात अडकली.

त्यामुळे काही वेळातच हा ट्रक खड्ड्यातून काढण्यात आलाही. परंतु या कामाबाबत प्रश्‍न उपस्थित होत आहेत. एकतर रात्रीचे डांबरकरण केल्यास असे प्रकार घडले तरी त्याचा त्रास नागरिकांना होणार नाही.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com