India Win Gold medal Table Tennis: कॉमनवेल्थ गेम्स 2022 चे आयोजन बर्मिंगहॅममध्ये करण्यात आले आहे. यातच स्पर्धेच्या पाचव्या दिवशी भारताने टेबल टेनिसमध्ये सुवर्णपदक जिंकले. भारताने अंतिम सामन्यात सिंगापूरचा 3-1 असा पराभव केला. भारतासाठी दुहेरीत, साथियान ज्ञानसेकरन आणि हरमीत देसाई यांनी योंग इझाक क्वेक आणि यु एन कोएन पांग यांचा पराभव केला. पुरुष एकेरीच्या सामन्यात हरमीत देसाईने शानदार कामगिरी करत सुवर्णपदक मिळवले.

दरम्यान, सांघिक स्पर्धेतील पहिल्या दुहेरीत साथियान आणि हरमीत या जोडीने 3-1 असा विजय नोंदवला. त्यांनी सिंगापूरच्या (Singapore) यांग येक आणि यू पेंग यांचा 13-11, 11-7 आणि 11-5 असा पराभव केला. यानंतर शरथ कमलला एकेरीच्या सामन्यात पराभवाला सामोरे जावे लागले. मात्र दुसऱ्या एकेरीत भारताने बाजी मारली. यामध्ये साथियानने 3-1 असा विजय मिळवला. त्याने संघाला 2-1 अशी आघाडी मिळवून दिली. शेवटी हरमीतने एकेरीचा सामना जिंकून भारताला (India) सुवर्णपदक मिळवून दिले.

विशेष म्हणजे, केंद्रीय मंत्री किरेन रिजिजू (Kiren Rijiju) यांच्यासह अनेक सेलिब्रिटींनी भारतीय टेबल टेनिस (Table Tennis) संघाचे सुवर्णपदक जिंकल्याबद्दल अभिनंदन केले आहे.