आय-लीग फुटबॉल स्पर्धेत तब्बल सहा सामने विजयाविना राहिलेल्या माजी विजेत्या चर्चिल ब्रदर्सने अखेर पूर्ण तीन गुणांची कमाई केली. वास्को येथील टिळक मैदानावर त्यांनी दिल्ली एफसीला 2-0 फरकाने हरविले.
टिळक मैदानावर चर्चिल ब्रदर्सला मागील दोन लढतीत पराभूत व्हावे लागले होते, मात्र मंगळवारी सामन्याच्या प्रारंभीच दोन गोल नोंदवून त्यांनी स्थिती मजबूत केली. दोन्ही गोल लुईस ओगाना याने केले. त्याने पहिला गोल 11व्या, तर दुसरा गोल 18व्या मिनिटास केला.
चर्चिल ब्रदर्सचा हा स्पर्धेतील चौथा विजय ठरला. त्यांचे आता 16 लढतीतून 17 गुण झाले आहेत. ते आता नवव्या क्रमांकावर आले आहेत. दिल्ली एफसीला आठव्या पराभवाला सामोरे जावे लागले. 16 लढतीनंतर ते 22 गुणांसह सातव्या स्थानी कायम राहिले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.