BAN vs AFG: बांगलादेश आणि अफगाणिस्तान यांच्यात एकमेव कसोटी खेळली जात आहे. या सामन्यात बांगलादेशचा युवा फलंदाज नजमुल हुसेन शांतोने 146 धावांची खेळी खेळून इतिहास रचला आहे.
अफगाणिस्तानविरुद्धच्या कसोटीत शतक झळकावणारा तो सर्वात तरुण फलंदाज ठरला आहे. हुसेन शांतोने 24 वर्षे 293 दिवस वयात शतक झळकावून हा विश्वविक्रम केला आहे.
दरम्यान, हुसेन शांतोपूर्वी अफगाणिस्तानविरुद्ध (Afghanistan) 5 फलंदाजांनी शतके झळकावली आहेत, हे सर्व खेळाडू 30 वर्षांपेक्षा जास्त वयाचे होते. नजमुल हुसेनने पहिल्या डावात 146 धावा केल्या. यादरम्यान त्याने आपल्या बॅटने 23 चौकार आणि 2 षटकार मारले आहेत.
पहिली विकेट गेल्यानंतर नजमुल हुसेन शांतो आणि महमुदुल हसन जॉय यांनी पहिल्या डावात बांगलादेशसाठी दुसऱ्या विकेटसाठी 212 धावांची विक्रमी भागीदारीही केली आहे. याआधी, 2014 साली श्रीलंकेविरुद्धच्या (Sri Lanka) कसोटीत इमरुल कायस आणि शमसुर रहमान यांनी दुसऱ्या विकेटसाठी 232 धावांची भागीदारी केली होती, जी बांगलादेशकडून कसोटीत दुसऱ्या विकेटसाठी सर्वात मोठी भागीदारी करण्याचा विक्रम आहे.
मुरली विजय (भारत) – 35 वर्षे (अंदाजे), 2018
शिखर धवन (भारत) - 32 वर्षे (अंदाजे) 2018
शमरह ब्रूक्स (WI) - 30 वर्षे (अंदाजे), 2019/20
शॉन विल्यम्स (झिम्बाब्वे) - 34 वर्षे (अंदाजे), 2020/21
शॉन विल्यम्स (झिम्बाब्वे) - 34 वर्षे (अंदाजे), 2020/21
जर सामन्याबद्दल बोलायचे झाल्यास, बांगलादेश आणि अफगाणिस्तान यांच्यातील हा सामना शेर-ए-बांगला स्टेडियमवर खेळला जात आहे. पहिल्या डावात नजमुल हुसेन शांतो आणि महमुदुल हसन जॉय यांच्या शानदार खेळीच्या जोरावर बांगलादेशने स्थिती मजबूत केली. बांगलादेशने पहिल्या डावात 382 धावा केल्या होत्या. दुसरीकडे, अफगाणिस्तानसाठी निजात मसूदने पहिल्या डावात 5 बळी घेतले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.