भारत सरकारला देशाच्या स्वातंत्र्याच्या 75 वर्षांच्या स्मरणार्थ 22 ऑगस्ट रोजी भारत आणि उर्वरित देशांमध्ये क्रिकेट सामना आयोजित करायचा आहे. सरकारने याबाबतचा प्रस्ताव भारतीय क्रिकेट नियामक मंडळाकडे (BCCI) पाठवला आहे. सांस्कृतिक मंत्रालयाने हा प्रस्ताव बीसीसीआयकडे पाठवला आहे. 'स्वातंत्र्याचा अमृत महोत्सव' (Azadi Ka Amrit Mahotsav) या मोहिमेचा एक भाग म्हणून या सामन्यात भारतीय खेळाडू आणि लोकप्रिय परदेशी क्रिकेटपटूंना खेळण्याबाबतच्या प्रस्तावावर मंत्रालय BCCIच्या अधिकाऱ्यांशी चर्चा करत आहे.

या घडामोडी घडणार

यादरम्यान इंग्लिश देशांतर्गत क्रिकेटही सुरू होईल आणि कॅरेबियन प्रीमियर लीगही सुरू होईल. जोपर्यंत आंतरराष्ट्रीय क्रिकेटपटूंच्या सेवेचा संबंध आहे, तोपर्यंत बीसीसीआयचे उच्च अधिकारी आयसीसीच्या वार्षिक परिषदेसाठी (22-26 जुलै) बर्मिंगहॅममध्ये असतील. जिथे ते त्यांच्या काही खेळाडूंना भारतातील सामन्यांसाठी सोडण्यासाठी इतर मंडळांशी चर्चा करतील.

मिळालेल्या माहितीनुसार इंडियन प्लेइंग 11 बनवणे फारसे कठीण होणार नाही. झिम्बाब्वेविरुद्धची तीन एकदिवसीय सामन्यांची मालिका 20 ऑगस्टला संपणार आहे. या मालिकेतील काही खेळाडू 22 ऑगस्टलाच आले तर ते सामन्यासाठी उपलब्ध होणार नाहीत. मात्र, काही भारतीय खेळाडू झिम्बाब्वे दौऱ्यावर जाणार नाहीत. यामध्ये विराट कोहली, रोहित शर्मा आणि ऋषभ पंत आदींचा समावेश आहे. अशा परिस्थितीत हे खेळाडू 22 ऑगस्टला उपलब्ध असतील.